టాలీవుడ్ టాప్ దర్శకుల్లో ఒకడైన కొరటాల శివ ఇప్పటివరకూ తీసిన సినిమాలు సూపర్ డూపర్ హిట్స్ గా నిలిచాయి. అయితే అదే క్రమంలో హ్యాట్రిక్ సక్సెస్ కోసం ఎన్టీఆర్ తో ‘జనతా గ్యారేజ్’ సినిమా తీస్తున్న కొరటాల. ఆ సినిమా కోసం చాలా కష్టపడుతున్నాడు. ఇదిలా ఉంటే ఈ సినిమా విడుదల వాయిదా పడటంపై కాస్త ఘాటుగా మీడియాపై స్పదించాడు కొరటాల…మీడియాకి ఈ సినిమా వాయిదా విషయాన్ని తెలిపే క్రమంలో మాట్లాడుతూ…ఏదన్నా పెద్ద హీరో సినిమాకు సంబంధించి రీ షూట్ అయ్యిందంటే చాలు ఆ సినిమా అవుట్ పుట్ సరిగ్గా రాలేదని ప్రచారాలు, అదేదో రీషూట్ అనే పదం పెద్ద భూతు అయినట్లు.
అంతేకాకుండా ఒక సినిమాకు రీషూట్ చేస్తున్నారంటే అది మంచి కోసమే అనుకోవాలని ఏదో ఒక రాంగ్ ను సరిచేయడానికి లేదంటే మరింత బాగా చూపించడానికో రీ షూట్ చేస్తారు కాని ఇదేమి నేరం కాదు కదా అంటూ మీడియాను ఒక రౌండ్ వేసుకున్నాడు, ఇక మరో పక్క ఇదంతా చెబుతూనే జనతా గ్యారేజ్ వాయిదాపై అసలు విషయం బయట పెట్టాడు. ‘జనతా గ్యారేజ్’ కోసం ఎలాంటి రీషూట్లు చేయడం లేదని కాకపోతే 10 రోజుల పాటు షూటింగ్ పెండింగ్ ఉండటంతో ఈ వాయిదా నిర్ణయం తీసుకున్నాము అంటూ తెలిపాడు. ఇక సెప్టెంబర్ 2న సినిమా రిలీజ్ చేయడం వెనుక ఆంతర్యం ఏమిటి అంటే ఆ రోజు మన హరి కృష్ణ గారి పుట్టిన రోజు కావడం, అదే క్రమంలో 5న వినాయక్ చవితి పండుగ సెలవలు…అన్నీ వెరసి కలసి వస్తుంది అని ఈ నిర్ణయం తీసుకున్నట్లు తెలిపాడు శివ. మరి ఈ వాయిదా సినిమాకు ఎలాంటి ఫలితాన్ని ఇస్తుందో చూడాలి.
