కమర్షియల్ సినిమాలో సందేశాన్ని జోడించడం కొరటాల శివకి మెగా ఫోన్తో పెట్టిన విద్య. రచయిత నుంచి డైరక్టర్ గా పరిచయమవుతూ తీసిన మిర్చిలో పగలు మాని ప్రేమిద్దామనే సందేశాన్ని చెప్పారు. ఇక శ్రీమంతుడులో గ్రామాల దత్తత, జనతా గ్యారేజ్ ‘లో ప్రకృతి పరిరక్షణ వంటి సందేశాలు ఇచ్చి తనకంటూ ఓ గుర్తింపును కొరటాల సొంతం చేసుకున్నారు. ఇప్పుడు మహేష్ బాబు తో మరో సినిమాను తెరకెక్కించేందుకు సిద్ధమవుతున్నారు. దీని తర్వాత పవన్ కళ్యాణ్ తో సినిమా చేసేందుకు కథ రెడీ చేసినట్లు సమాచారం. ఆ స్టోరీ పవన్ వినడం, ఒకే చెప్పడం కూడా జరిగిపోయాయంట.
పవన్ రాజకీయ ఎంట్రీకి ఉపయోగపడేవిధంగా కథలో మంచి మెసేజ్ జోడించడంతో ఈ సినిమా చేయడానికి పవర్ స్టార్ ఉత్సాహంగా ఉన్నట్లు తెలిసింది. అందుకే మహేష్ సినీ పనుల్లో బిజీగా ఉంటూనే పవన్ మూవీ స్క్రిప్ట్ ని కొలిక్కి తీసుకురావడానికి ప్రయత్నిస్తున్నట్లు ఫిలిం నగర్ వాసులు చెప్పుకుంటున్నారు. సో ప్రస్తుతం త్రివిక్రమ్ దర్శకత్వంలో నటిస్తున్న పవన్ .. దీని తర్వాత కొరటాల ప్రాజెక్ట్ ని పట్టాలెక్కించే అవకాశం ఎక్కువగా ఉంది.
Also, do SUBSCRIBE to our YouTube channel to get latest Tollywood updates.
