సీనియర్ నటుడు కోటా శ్రీనివాసరావు (Kota Srinivasa Rao).. పరిచయం అవసరం లేని నటుడు.కెరీర్ ప్రారంభం నుండి వైవిధ్యమైన పాత్రలు చేస్తూ.. విలక్షణ నటుడిగా స్టార్ స్టేటస్ దక్కించుకున్నారు. విలన్ పాత్రకైనా, తండ్రి పాత్రకైనా.. ఎలాంటి పాత్రకైనా నిండుతనం తీసుకొచ్చేవారు, దానికి జీవం పోసేవారు. సీనియర్ ఎన్టీఆర్ (Sr NTR) నుండి జూనియర్ ఎన్టీఆర్ (Jr NTR) వరకు.. 3 జెనరేషన్ల స్టార్ హీరోలందరితో కలిసి స్క్రీన్ షేర్ చేసుకున్నారు కోటా శ్రీనివాసరావు. క్షణం తీరిక లేకుండా బిజీ ఆర్టిస్ట్ గా ఓ వెలుగు వెలిగారు.
ప్రస్తుతం ఈయన వయసు 82 ఏళ్ళు. వయోభారంతో ఆయన బాధపడుతున్నారు. దీంతో అవకాశాలు కూడా ఆయనకు ఎక్కువగా రావడం లేదు. తర్వాత ఆ విషయాన్ని ఆయన కూడా అర్థం చేసుకుని విశ్రాంతి తీసుకుంటున్నారు. ఇదిలా ఉండగా.. ప్రముఖ కమెడియన్, నిర్మాత అయిన బండ్ల గణేష్ (Bandla Ganesh Babu).. తాజాగా కోటా శ్రీనివాసరావుని కలిశారు. ఈ క్రమంలో తీసుకున్న ఓ ఫోటోని కూడా సోషల్ మీడియాలో షేర్ చేశారు బండ్ల గణేష్.
‘కోటా అన్నని కలుసుకోవడం ఆనందంగా ఉంది’ అంటూ ఆయన ఓ కామెంట్ కూడా పెట్టారు. అయితే ఈ ఫోటో అందరినీ షాక్ కి గురి చేస్తుంది. ఎందుకంటే.. ఈ ఫోటోలో కోటా శ్రీనివాసరావు గుర్తుపట్టలేని విధంగా ఉన్నారు. ఆయన కాలికి కట్టు కట్టి ఉంది. అలాగే మరో కాలు చూడటానికి చాలా భయంకరంగా ఉంది. దీంతో కోటా శ్రీనివాసరావుకి ఏమైంది అనే చర్చలు సోషల్ మీడియాలో జరుగుతున్నాయి.
