‘అర్జున్ రెడ్డి’ డైరెక్టర్ సందీప్ రెడ్డి వంగాతో సూపర్ స్టార్ మహేష్ బాబు ఓ సినిమా చేయనున్నాడనే వార్తలు గత కొన్ని రోజులుగా వింటూనే ఉన్నాం. సందీప్ చెప్పిన స్టోరీ లైన్ మహేష్ కి విపరీతంగా నచ్చేసిందని అందుకే తాను ఆల్రెడీ ఒప్పుకొన్న ప్రొజెక్ట్స్ ను పక్కన పెట్టి మరీ తన 25వ సినిమా అనంతరం సందీప్ తో సినిమా చేసేందుకు మహేష్ సమ్మతించాడని తెలుస్తోంది. ప్రస్తుతం “భరత్ అనే నేను” షూటింగ్ ఫైనల్ స్టేజ్ లో ఉండగా.. మార్చి నుండి వంశీ పైడిపల్లి సినిమా మొదలవుతుంది. ఈ సినిమా వచ్చే ఏడాది సంక్రాంతి లేదా వేసవిలో విడుదలవుతుంది. ఆ సినిమా విడుదల అనంతరం సందీప్ సినిమా మొదలెడతాడట మహేష్ బాబు.
అయితే.. మహేష్ సినిమా ఒకే చేయడానికి ముందు “షుగర్ ఫ్యాక్టరీ” పేరుతో సందీప్ ఒక సినిమాను తెరకెక్కించాలనుకొన్న విషయం తెలిసిందే. మహేష్ కూడా సందీప్ సేమ్ ప్రొజెక్ట్ స్టోరీ చెప్పాడట. కథ కొత్తగా ఉండడంతోపాటు సందీప్ స్క్రీన్ ప్లే రాసుకొన్న విధానం కూడా బాగా నచ్చేసిందట మహేష్ బాబుకి. కానీ.. సందీప్ ఏమో నేను చెప్పింది వేరే కథ అంటున్నాడు. ఈ కథనాల్లో నిజమెంతో తెలియాలంటే ప్రొజెక్ట్ సెట్స్ మీదకు వచ్చే వరకూ వేచి చూడాల్సిందే.
