ఒక్కప్పుడు సినిమా నిర్మాణం అనేది పెద్ద రిస్క్ వ్యవహారం. సినిమా తీస్తే కనీసం ఖర్చులు వస్తాయనే గ్యారంటీ ఉండేది కాదు. దశాబ్దాల చరిత్ర కలిగిన టాలీవుడ్ ఇండస్ట్రీలో నిర్మాతలు ఎవరంటే కొద్ది మంది పేర్లు మాత్రమే వినిపిస్తాయి. వందల మంది నిర్మాతలు ఇండస్ట్రీలోకి వచ్చి పోవడం జరిగింది. క్రమేణా పరిస్థితులు మారాయి. నిర్మాతలు రిస్క్ జోన్ నుండి బయటకు వచ్చారు. సినిమా నిర్మాణ వ్యయానికి కొంచెం లాభం చూసుకొని సినిమా అమ్మేస్తున్నారు.
దీనితో స్టార్ హీరోలు నిర్మాతలుగా అవతారం ఎత్తుతున్నారు. ఇప్పటికే అనేక మంది హీరోలు ప్రొడ్యూసర్ అవతారం ఎత్తారు. కాగా మహేష్ కూడా నిర్మాతగా మారిన సంగతి తెలిసిందే. ఆయన నటిస్తున్న సినిమాలలో మహేష్ నిర్మాణ భాగస్వామిగా ఉంటాడు. అలాగే బయట హీరోలతో తక్కువ బడ్జెట్ చిత్రాలు కూడా ఆయన నిర్మిస్తున్నారు. కాగా టాలీవుడ్ మరియు కోలీవుడ్ కి చెందిన ఇద్దరు హీరోలతో ఆయన రెండు చిత్రాలు నిర్మించనున్నారట. అందులో ఒకరు తమిళ స్టార్ హీరో కార్తీ ఒకరట.
అలాగే టాలీవుడ్ సెన్సేషన్ విజయ్ దేవరకొండతో ఆయన మరో చిత్రం నిర్మించనున్నారట. ఇప్పటికే అడివి శేషుతో మేజర్ అనే మూవీ నిర్మిస్తుండగా ఆయన పూర్తి స్థాయి నిర్మాతగా మారనున్నట్లు తెలుస్తుంది. ఇక మహేష్ స్టార్ డమ్ రీత్యా ఆయన నిర్మాత అంటే ఆ బ్రాండ్ వాల్యూతో మంచి థియేరిటికల్ రైట్స్ దక్కడం ఖాయం. అందుకే మహేష్ నిర్మాణ రంగంలో అడుగుపెట్టారు అని తెలుస్తుంది.
Most Recommended Video
మేకప్‌ లేకుండా మన టాలీవుడ్ ముద్దుగుమ్మలు ఎలా ఉంటారో తెలుసా?
జ్యోతిక ‘పొన్‌మగల్‌ వందాల్‌’ రివ్యూ
ఈ డైలాగ్ లు చెప్పగానే గుర్తొచ్చే హీరోయిన్లు!
