స్టార్ హీరో మహేష్ బాబు గత సినిమా సరిలేరు నీకెవ్వరు విడుదలై సంవత్సరం గడిచిపోయింది. మహేష్ బాబు గత మూడు సినిమాలు ఒక సినిమాను మించి మరొకటి సక్సెస్ కావడంతో మహేష్ ఫ్యాన్స్ ఆనందానికి అవధులు లేకుండా పోయాయి. సరిలేరు నీకెవ్వరు తరువాత మహేష్ బాబు పరశురామ్ డైరెక్షన్ లో సర్కారు వారి పాట సినిమాకు గ్రీన్ సిగ్నల్ ఇచ్చారు. కరోనా, లాక్ డౌన్ నిబంధనల వల్ల ఈ సినిమా షూటింగ్ నత్తనడకన సాగుతోంది.
2022 సంవత్సరం సంక్రాంతి టార్గెట్ గా ఈ సినిమా విడుదల కావాల్సి ఉండగా ఈ సినిమా దుబాయ్ షెడ్యూల్, గోవా షెడ్యూల్ కరోనా నిబంధనల వల్ల క్యాన్సిల్ అయినట్టు గత రెండు రోజుల నుంచి వార్తలు వస్తున్నాయి. అయితే మహేష్ మాత్రం రిలీజ్ కు చాలా సమయం ఉండటంతో కంగారు పడవద్దని డైరెక్టర్ పరశురామ్ కు సూచించినట్టు తెలుస్తోంది. మహేష్ అలా చెప్పడంతో డైరెక్టర్ కు కూడా టెన్షన్ కూడా తగ్గిందని సమాచారం.
ఈ మూవీ తరువాత షెడ్యూల్ హైదరాబాద్ లోనే త్వరలోనే ప్రారంభం కావాల్సి ఉంది. మహేష్ కు జోడీగా కీర్తి సురేష్ ఈ సినిమాలో నటిస్తుండగా కీర్తి, మహేష్ కాంబినేషన్ లో తెరకెక్కుతున్న తొలి సినిమా ఇదే కావడం గమనార్హం. గీతా గోవిందం సినిమాతో కెరీర్ బిగ్గెస్ట్ హిట్ అందుకున్న పరశురామ్ సర్కారు వారి పాట సినిమాతో హిట్ కొడితే స్టార్ డైరెక్టర్ల జాబితాలో చేరే అవకాశం ఉంటుంది. కరోనా తీవ్రత తగ్గిన తరువాతే విదేశాలలో సర్కారు వారి పాట సీన్స్ ను చిత్రీకరించనున్నారని సమాచారం.
Most Recommended Video
వైల్డ్ డాగ్ సినిమా రివ్యూ & రేటింగ్!
సుల్తాన్ సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!
