మాళవిక మోహనన్… తెలుగు సినిమా ప్రేక్షకులకు ఈ అమ్మడు గురించి చాలా తక్కువ తెలుసు. అయితే సోషల్‌ మీడియా ఫ్రీక్స్‌కి ఈమె గురించి ప్రత్యేక పరిచయం, ఉపోద్ఘాతం లాంటివి అస్సలు అక్కర్లేదు. ప్రస్తుతం సౌత్‌ ఇండియన్‌ సినిమా పరిశ్రమలో ఓ హీరోయిన్‌కు సినిమా ఛాన్స్‌లు, పెద్ద హీరోల సినిమాలు లేకపోయినా స్టార్‌గా వెలుగొందుతోంది అని చెప్పాలి. దానంతటికి కారణం మాళవిక మనోహరమైన ఫొటో షూట్లే. కావాలంటే ఓసారి ఆమె ఇన్‌స్టాగ్రామ్‌ చూడండి మీకే అర్థమవుతుంది.
ఇప్పుడు మాళవిక అందం గురించి, ఫ్యాన్‌ ఫాలోయింగ్‌ గురించి, పోస్టుల గురించి ఎందుకు అనుకుంటున్నారా? తాజాగా ఆమె కొత్త సినిమా ‘తంగలాన్’ టీజర్‌ రావడమే. అందులోని ఆమె లుక్‌ను జనాలు చూడటమే. ‘ఏంటీ ‘తంగలాన్’ టీజర్లో మాళవిక ఉందా?’ అని అడుగుదాం అనుకుంటున్నారా? అడగక ముందే మేమే చెబుతాం లెండి. ఆ టీజర్లో మాళవిక ఉంది… పైన మీరు చూసిన ఫొటో కూడా అందులోనిదే. ఈ ఫొటో చూసే… ‘అందగత్తెను ఇలా చేసేశారేంట్రా బాబూ..’ అని ఫ్యాన్స్‌ బాధపడుతున్నారు.
మాళవిక (Malavika Mohanan) సినిమాల లిస్టు తీస్తే పెద్ద ఎక్కువ సినిమాలు లేవు. విజయ్‌ ‘మాస్టర్’ మినహా చెప్పుకోదగ్గ సినిమాలు కనిపించవు. కానీ తన హాట్‌ లుక్స్, ఫొటోలతో మైమరిపిస్తూ ఉంటుంది. వాటికి కాస్త ఘాటైన కామెంట్లు ఒక యాడ్‌ ఆన్‌. విక్రమ్ హీరోగా రూపొందుతున్న ‘తంగలాన్’ సినిమాలో మాళవికనే కథానాయిక. ఇందులో విక్రమ్ మోస్ట్ డీగ్లామరస్ రోల్ చేశాడు, ఇక మాళవిక కూడా అంతే. అందుకే ఆ లుక్‌లో కనిపించింది.
అందమే కాదు, నటనలోనూ తాను తోపు అనిపించుకోవడమే ఆమె ఉద్దేశమట. అందుకే ఈ పాత్ర అవకాశం రాగానే ఓకే చెప్పేసిందట. ఈ పాత్రలో మాళవిక డీగ్లామరస్‌గానే కాదు, వయొలెంట్‌గా కూడా ఉంది. ఈ రోజు రిలీజైన టీజర్లో మాళవిక కనిపించింది ఒక్క షాట్లోనే అయినప్పటికీ.. బ్యూటీ విత్‌ బీస్ట్‌ అనే కాన్సెప్ట్‌లో తమ అభిమాన నాయికను ఫ్యాన్స్‌ పొగిడేస్తున్న వాళ్లూ ఉన్నారు.
‘పుష్ప’ టు ‘దేవర’.. 2 పార్టులుగా రాబోతున్న 10 సినిమాలు..!
‘సైందవ్’ తో పాటు టాలీవుడ్లో వచ్చిన ఫాదర్-డాటర్ సెంటిమెంట్ మూవీస్ లిస్ట్..!
ఆ హీరోయిన్స్ చేతిలో ఒక సినిమా కూడా లేదంట..!
