జాతీయ చలన చిత్ర పురస్కరాల్లో అవార్డులు రావడం కొంతమందికి ఎండాకాలంలో వర్షాలు వస్తే.. ఇంకొందరికి వానా కాలంలో వర్షాలులా వస్తాయి. అలా వచ్చిన వారిపై చాలా కామెంట్లు వస్తాయి. ఎందుకలా వరుస అవకాశాలు వచ్చేస్తున్నాయి అనే చర్చ మొదలవుతుంది. అలాగే నాలుగోసారి నేషనల్ అవార్డు అందుకున్న మమ్ముట్టి విషయంలో ఇలానే జరిగింది. దీనిపై ఆయన తాజాగా స్పందించారు. ఈ క్రమంలో కొన్ని ఆసక్తికర వ్యాఖ్యలు చేశారు.
‘భ్రమయుగం’ సినిమాలో నటనకుగాను జాతీయ అవార్డు అందుకున్నారు మమ్ముట్టి. దేశం గుర్తించడం ప్రతి కళాకారుడికి స్ఫూర్తిదాయకం. నాలుగు సార్లు ఈ పురస్కారాన్ని తీసుకోవడం అదృష్టంగా భావిస్తున్నాను. నా దర్శకులకు, సాంకేతిక నిపుణులకు, ఇన్నేళ్లుగా అండగా నిలిచిన ప్రజలకు ఎప్పటికీ రుణపడి ఉంటాను. భవిష్యత్తులో ఈ వేదికపై మరెన్నోసార్లు మెరవాలని ఆశిస్తున్నాను. మీ కోసం ఏ కష్టమైనా పడడానికి సిద్ధంగా ఉన్నాను అని భావోద్వేగంగా చెప్పుకొచ్చారాయన.
పాత్ర కంటే కథకే నేను ఎక్కువ ప్రాధాన్యతనిస్తాను. పెద్దగా ప్రణాళికలు కూడా ఉండవు. ‘భ్రమయుగం’ సినిమా సెట్లో మొదటి రోజు అడుగుపెట్టగానే ఈ సినిమా విషయంలో ఏదో అద్భుతం జరుగుతుందని ఎవరూ అనుకోలేదు. అయితే నాకు మేజిక్లు చేయడం రాదు. నా అదృష్టం కొద్దీ నటనకు ప్రాధాన్యం ఉన్న పాత్రలు నా వద్దకు వస్తున్నాయంతే. ఆ పాత్రలకు నేను ప్రాణం పోస్తున్నాను అని మమ్ముట్టి చెప్పారు.
కొన్ని నెలల క్రితం ప్రకటించిన 72వ జాతీయ చలనచిత్ర పురస్కారాల ప్రదానోత్సవంలో మమ్ముట్టి ఉత్తమ నటుడిగా అవార్డు అందుకున్నారు. ఆయనతో పాటు కార్తిక్ ఆర్యన్ (‘చందూ ఛాంపియన్’) కూడా ఈ పురస్కారం దక్కించుకున్నారు. కార్తిక్ ఆర్యన్ విషయంలో పెద్దగా విమర్శలు రాకపోయినా మోహన్లాల్ మీద కొంతమంది కామెంట్లు చేశారు. ఇప్పుడు ఆయన తన సమాధానంతో వారి నోళ్లు మూయించారు అని అర్థమవుతోంది.
