పవర్ స్టార్ పవన్ కళ్యాణ్, మాటల మాంత్రికుడు త్రివిక్రమ్ కాంబినేషన్లో వస్తున్న మూడో మూవీ పూజా కార్యక్రమాలు జరుపుకొని రెగ్యులర్ షూటింగ్ కి సిద్ధంగా ఉంది. ఈ సినిమాకోసం ఆర్టిస్టులు, టేక్నీషియన్ల ఎంపికను త్రివిక్రమ్ దాదాపు పూర్తి చేశారు. సంగీత దర్శకుడు అనిరుద్ పాటల కంపోజింగ్ లో బిజీగా ఉన్నారు. హారిక హాసిని క్రియేషన్స్ సంస్థ నిర్మించే ఈ చిత్రానికి ఖుషి మూవీకి పనిచేసిన కెమెరామెన్ పీసీ శ్రీరామ్ ని తీసుకున్నారు. ఇందులో ఓ కీలక రోల్లో కన్నడ స్టార్ హీరో ఉపేంద్రను హైర్ చేసుకోనున్నట్లు వార్తలు వచ్చాయి. తాజాగా అందిన సమాచారం ప్రకారం ఆ ప్లేస్ లో మలయాళ సూపర్ స్టార్ మోహన్ లాల్ వచ్చినట్లు తెలిసింది. ‘జనతా గ్యారేజ్’ లో ఆయన తన నటనతో తెలుగు ప్రేక్షకులకు మెప్పించారు. మనమంతా, మన్యం పులితో మరింత దగ్గరయ్యారు.
అందుకే ఈ సినిమాకు మోహన్ లాల్ ప్లస్ అవుతారని ఈ నిర్ణయం తీసుకున్నట్లు తెలిసింది. రీసెంట్ గా కేరళకు వెళ్లి త్రివిక్రమ్ మోహన్ లాల్ కి కథ చెప్పడం, ఆయన ఒకే చెప్పడం కూడా జరిగిపోయిందంట. ప్రస్తుతం డాలీ దర్శకత్వంలో “కాటమరాయుడు” చిత్రీకరణలో బిజీగా ఉన్న పవన్ కళ్యాణ్, దీనిని మార్చి పదో తేదీకి పూర్తి చేసి త్రివిక్రమ్ సినిమాను మార్చి 14 నుంచి పట్టాలెకెక్కించనున్నారు. జల్సా, అత్తారింటికి దారేది సినిమాల తర్వాత వీరి కాంబినేషన్లో వస్తున్న మూవీ కావడంతో దీనిపై భారీ అంచనాలున్నాయి.
Also, do SUBSCRIBE to our YouTube channel to get latest Tollywood updates.
