‘మైత్రి మూవీ మేకర్స్’ టాలీవుడ్ టాప్ బ్యానర్స్ లో ఇది కూడా ఒకటి. వై.రవి శంకర్, నవీన్ ఎర్నేని ఈ బ్యానర్ ను స్థాపించారు. మహేష్ బాబు ‘శ్రీమంతుడు’ సినిమాతో వీరి ప్రయాణం మొదలైంది. ఆ సినిమా బ్లాక్ బస్టర్ అయ్యింది. అటు తర్వాత వచ్చిన ‘జనతా గ్యారేజ్’ ‘రంగస్థలం’ వంటివి కూడా బ్లాక్ బస్టర్స్ కొట్టాయి. అటు తర్వాత ‘పుష్ప’ ‘సర్కారు వారి పాట’ ‘వాల్తేరు వీరయ్య’ ‘వీరసింహారెడ్డి’ ‘పుష్ప 2’ వంటి సినిమాలు అన్నీ బ్లాక్ బస్టర్స్ అయ్యాయి.
ప్రస్తుతం ప్రభాస్ తో ‘ఫౌజి’, పవన్ కళ్యాణ్ తో ‘ఉస్తాద్ భగత్ సింగ్’, ఎన్టీఆర్ తో ‘డ్రాగన్’,రాంచరణ్- సుకుమార్ కాంబినేషన్లో సినిమా.. ఇలా వరుసగా పెద్ద సినిమాలు చేయబోతున్నారు.ఇదిలా ఉండగా.. ‘మైత్రి మూవీ మేకర్స్’ లో రూపొందిన పెద్ద హీరోల సినిమాలకి తిరుగుండదు. అన్ని సినిమాలు సూపర్ హిట్లు అయ్యాయి. డిస్ట్రిబ్యూషన్ రంగంలోకి కూడా ఎంట్రీ ఇచ్చి వరుసగా డబ్బింగ్ సినిమాలు రిలీజ్ చేస్తున్నారు.
వాటిల్లో ఎక్కువ శాతం హిట్ అవుతున్నాయి. ‘మత్తు వదలరా’ ‘మత్తు వదలరా 2′ వంటి చిన్న సినిమాలకి మంచి వసూళ్లు వచ్చాయి. కానీ ఎటొచ్చీ ఈ బ్యానర్లో రూపొందే మిడ్ రేంజ్ హీరోల సినిమాలు మాత్రం నిలబడటం లేదు.’సవ్య సాచి’ ‘అమర్ అక్బర్ ఆంటోనీ’ ‘నానీస్ గ్యాంగ్ లీడర్’ నుండి చూసుకుంటే ‘డియర్ కామ్రేడ్’ ‘ఖుషి’ ‘అంటే సుందరానికీ’ రాబిన్ హుడ్’ వంటి సినిమాలు అన్నీ ప్లాప్ అయ్యాయి. కంటెంట్ పరంగా వాటికి అప్రిసియేషన్ వచ్చింది.
కానీ బాక్సాఫీస్ వద్ద మాత్రం అవి తేలిపోయాయి. తాజాగా రిలీజ్ అయిన ‘ఆంధ్ర కింగ్ తాలూకా’ కూడా మంచి టాక్ తెచ్చుకుంది. కానీ బాక్సాఫీస్ వద్ద ఈ సినిమా పెర్ఫార్మన్స్ చాలా వీక్ గా ఉంది.దాదాపు రూ.70 కోట్లు పెట్టి ఈ సినిమా తీశారు. ఓటీటీ నుండి కొంత, డబ్బింగ్ రైట్స్ రూపంలో కొంత రికవరీ అయ్యింది. కానీ థియేటర్ నుండి రూ.25 కోట్లు రావాలి. అది వచ్చేలా కనిపించడం లేదు.
సో ఈ సినిమాతో ‘మైత్రి’ కి మిడ్ రేంజ్ ప్రాజెక్టులు కలిసిరావడం లేదు అని అర్ధం చేసుకోవచ్చు. ఒకవేళ చైల్డ్ బ్యానర్ ఇంకోటి పెట్టి మిడ్ రేంజ్ ప్రాజెక్టులు చేస్తే.. ఫలితాలు బెటర్ గా ఉంటాయేమో చూడాలి.
