తెలుగు లో తాము పట్టుకున్న ప్రతీది బంగారం అనేలా వారు నిర్మించిన ఆల్మోస్ట్ అన్ని సినిమాలతో హిట్ కొట్టారు ప్రముఖ నిర్మాణ సంస్థ మైత్రి మూవీ మేకర్స్. ఒక సమయంలో అయితే పుష్ప మూవీతో పాన్ ఇండియా రికార్డుల మోత మోగించారు. స్టార్ హీరోలతో మాత్రమే కాక చిరంజీవి మేనల్లుడు వైష్ణవ తేజ్ & కృతి శెట్టి జంటగా, బుచ్చిబాబు సానా తొలిసారిగా డైరెక్ట్ చేసిన “ఉప్పెన” మూవీతో సంచలమే సృష్టించారు. ఈ నిర్మాణ సంస్థ దాదాపుగా మన తెలుగు స్టార్ హీరోలందరితో వర్క్ చేసారు.
రీసెంట్ గా మైత్రి మూవీ మేకర్స్ నిర్మాణంలో రిలీజ్ అయ్యి హిట్ టాక్ తెచ్చుకున్న మూవీ “ఆంధ్రకింగ్ తాలూకా”. ఈ మూవీ లో రామ్ పోతినేని హీరోగా, అందాల బ్యూటీ భాగ్యశ్రీ హీరోయిన్ గా, కన్నడ స్టార్ ఉపేంద్ర కీలక పాత్రలో నటించారు. ఈ మూవీకి ప్రేక్షకుల నుంచి మంచి రెస్పాన్స్ వస్తుండటంతో మేకర్స్ సక్సెస్ మీట్ ను నిర్వహించారు. మీడియా అడిగిన ప్రశ్నలకు సమాధానమిస్తూ నిర్మాత రవిశంకర్ తెలుగు హీరోలు రెమ్యూనరేషన్ విషయంలో నిర్మాతల పట్ల ప్రవర్తించే తీరుపై ప్రశంసలు కురిపించారు.
ముఖ్యంగా తెలుగు స్టార్ హీరోలైన రాంచరణ్ , మహేష్ బాబు , ఎన్ఠీఆర్ , అల్లు అర్జున్ ఇలా అందరు రెమ్యూనరేషన్ గురించి ఎప్పుడు ఇబ్బంది పెట్టలేదని, మీ దగ్గర ఉన్నపుడే ఇవ్వండి అని, సినిమా విడుదలైన సంవత్సరం తరువాత వరకు కొద్దీ కొద్దీ మొత్తాలలో కూడా పేమెంట్స్ చేశామని అయినా వారు ఎవరు కూడా తొందరపెట్టలేదని చెప్పుకొచ్చారు.
పవర్ స్టార్ పవన్ కళ్యాణ్ అయితే మీకు మిగిలితే అప్పుడు నాకు ఇవ్వండి అని చెప్పారు అని మన తెలుగు హీరోలు అందరూ నిర్మాతలకు ఎప్పుడు అండగా నిలుస్తారని పొగిడారు.
