సోషల్‌ మీడియాలో, యూట్యూబ్‌ ఛానల్స్‌లో కామెంట్లు చేస్తూ వైరల్ అయ్యే నాగబాబు తాజాగా ఓ ఫొటోతో హల్‌ చల్‌ చేస్తున్నాడు. ఇటీవల మెడలో భారీ పాములను వేసుకొని పోజులిచ్చిన ఈ మెగా బ్రదర్‌ ఇప్పుడు డిఫరెంట్‌ లుక్‌తో కనిపించాడు. దీంతో నాగబాబు ఏదో సినిమా కోసం ఈ లుక్‌లో కనిపించాడు అంటూ అంచనాలు వేసుకుంటున్నారు. ఆ ఫొటోనే పైన ఉన్నది. నిజానికి నాగబాబు నటుడు అవ్వాలనే ఇండస్ట్రీలోకి వచ్చాడు. ఈ విషయాన్ని ఆయనే చాలా సందర్భాల్లో, వేదికల్లో చెప్పుకొచ్చాడు.
అయితే అప్పుడప్పుడు నటిస్తూ ఉంటాడు. తాజా లుక్‌తో మళ్లీ పూర్తిస్థాయి నటుడిగా రీ ఎంట్రీ ఇస్తున్నాడా? అనే పుకార్లు, ప్రశ్నలు మొదలయ్యాయి. సాల్ట్‌ అండ్‌ పెప్పర్‌ లుక్‌ నాగబాబు పెద్ద కొత్తేం కాదు. వైల్‌ బియర్డ్‌తో చాలా సార్లు కనిపించాడు. అయితే ఈసారి భుజం మీద సింహం టాటూ ఆకట్టుకునేలా కనిపిస్తోంది. మీసం మీద చెయ్యేసి… నాగబాబు చూస్తున్న చూపు… మాంచి క్లాస్‌ విలన్‌ ఉందని నెటిజన్లు కామెంట్‌ చేస్తున్నారు.
నాగబాబు ఇప్పటివరకు సినిమాల్లో చాలా పాత్రలు చేసినా, విలనిజం అయితే పండించలేదు. ఈ లుక్‌ విలనిజం టెస్ట్‌ లుక్‌ కోసమేమో అనే కామెంట్లూ వినిపిస్తున్నాయి. చూద్దాం నాగబాబుకు కూడా ఇలాంటి ఆలోచనలు ఏమైనా ఉన్నాయేమో మరి.
Most Recommended Video
పిట్ట కథలు సిరీస్ రివ్యూ & రేటింగ్!
నాంది సినిమా రివ్యూ & రేటింగ్!
పొగరు సినిమా రివ్యూ & రేటింగ్!
