నందమూరి బాలకృష్ణ(Nandamuri Balakrishna) డైరెక్టర్స్ హీరో. దర్శకుడు ఏది చెబితే అది గుడ్డిగా నమ్మేసి చేసేస్తాడు. బాలయ్య నుండి ఇండస్ట్రీ హిట్ సినిమాలు వచ్చినా, ట్రోలింగ్ చేసుకునే సినిమాలు వచ్చినా.. దానికి మెయిన్ రీజన్ అదే అనడంలో ఎటువంటి సందేహం లేదు. ఒక్క ‘ఎన్టీఆర్ బయోపిక్’ విషయంలో తప్ప వేరే ప్రాజెక్టులో బాలయ్య.. డైరెక్షన్ డిపార్ట్మెంట్లో వేలు పెట్టింది లేదు. డైరెక్టర్స్ కి బాలయ్య చెప్పే మాట ఒక్కటే.
ముందు రోజే తన షూట్ కి సంబంధించిన డైలాగ్ పేపర్స్ చేతిలో పెట్టాలి. దానిని బాలయ్య ఓన్ చేసుకుని నెక్స్ట్ రోజు షూట్లో పాల్గొంటారు. ఒకవేళ ‘దర్శకుడు డైలాగులు మారిస్తే.. అంతే సంగతి’ అనే టాక్ కూడా ఇండస్ట్రీలో ఉంది.
కథ నచ్చితే బాలయ్య దర్శకుడి ట్రాక్ రికార్డుతో సంబంధం లేకుండా డేట్స్ ఇచ్చేస్తారు. చాలా మంది దర్శకుల విషయంలో ఇది కూడా జరిగింది. అయితే దర్శకుడు హరీష్ శంకర్ ని మాత్రం బాలయ్య వెయిటింగ్లో పెట్టినట్టు కథనాలు వినిపిస్తున్నాయి. దాని విషయంలోకి వెళితే.. హరీష్ గత చిత్రం ‘మిస్టర్ బచ్చన్’ డిజాస్టర్ అయ్యింది. ‘ఉస్తాద్ భగత్ సింగ్’ సినిమా మార్చి 26న విడుదల కానుంది.
ఈ సినిమా రిజల్ట్ను బట్టి ఫైనల్ డెసిషన్ తీసుకోవాలని బాలయ్య భావిస్తున్నారని కొంతమంది చెప్పుకొచ్చారు. సినిమా హిట్ అయితే.. స్పీడ్ గా హరీష్ శంకర్ ప్రాజెక్టుని సెట్స్ పైకి తీసుల్తారట బాలయ్య. లేదు అంటే హరీష్ శంకర్ స్క్రిప్ట్ ని పక్కన పెట్టేస్తారని అంటున్నారు.ఇందులో నిజానిజాలు ఎంత అనేది పక్కన పెట్టేస్తే.. బాలయ్య ఇలా ఆలోచించే వ్యక్తి కాదు కదా..!
ఇప్పుడు ఆయన కూడా ఇలా ఆలోచించడం మొదలుపెట్టారా? అనే డౌట్లు కూడా వ్యక్తమవుతున్నాయి.సరే వాటెవర్…! ‘ఉస్తాద్ భగత్ సింగ్’ సూపర్ హిట్ అయితే హరీష్ శంకర్ దర్శకత్వంలో ఓ కొత్త బాలయ్యని చూసే అవకాశం ఉంటుంది. అది మిస్ అవ్వకూడదని కోరుకుందాం..!
