మహానటుడు నందమూరి తారక రామరావు 9 అంకె ని చాలా సెంటిమెంట్ గా ఫీలవుతుంటారు. ఆ అంకె ఉండే వాహనాలనే ఎక్కువగా వినియోగించేవారు. ఆయన సినీ వారసత్వాన్ని అందుకున్న బాలకృష్ణ కూడా తొమ్మిది పై ఇష్టం పెంచుకున్నారు. ఆ తేదీ రోజున పనులను ప్రారంభించడం బాలయ్యకు అలవాటు. ఇక నందమూరి ఫ్యామిలీలో మూడోతరం హీరో అయిన జూనియర్ ఎన్టీఆర్ కి లక్కీ నంబర్ 9 .తాత ఆశీస్సులతో సినిమాల్లో దూసుకు పోతున్న ఎన్టీఆర్ తన కార్ నంబర్ 9999 ఉండాలని 10 .5 లక్షలు వెచ్చించి ఆ నంబర్ ని సొంతం చేసుకున్నారు.
ఇదే నంబర్ కోసం పోటీ పడిన వారిలో మరో నందమూరి హీరో ఉండడం విశేషం. మహానటుడు మనవడు తారక రత్న తొమ్మిది అంకెలు ఉన్న నంబర్ కోసం ఐదు లక్షలకు పైగా ఇవ్వడానికి సిద్ధపడి యంగ్ టైగర్ రేట్ కి వెనక్కి తగ్గారు. అయితే అటువంటి నంబర్ ఎలాగైనా సొంతం చేసుకోవాలని తారకరత్న గుంటూరు జిల్లా నరసారావు పేట ఆర్టీఓ నిర్వహించిన ఆన్ లైన్ వేలంలో పాల్గొన్నారు. మరెవరికి ఆ నంబర్ పోకూడదని ముందుగానే ఐదు లక్షలను చెల్లించారని సమాచారం. ఈ లక్కీ నంబర్ తోనైనా తన అదృష్టాన్ని ఆహ్వానించాలని ఈ నందమూరి హీరో భావిస్తున్నారు.
Also, do SUBSCRIBE to our YouTube channel to get latest Tollywood updates.
