వరుస సినిమాలతో దూసుకుపోతున్న నాని త్వరలో ‘శ్యామ్‌ సింగరాయ్‌’గా ప్రేక్షకుల ముందుకు రానున్నాడు. ఇటీవల చిత్రీకరణ ప్రారంభమైన ఈ సినిమా గురించి ఆసక్తికరమైన విషయం బయటకు వచ్చింది. జాతీయ పురస్కారం దక్కించుకున్న సినిమా దర్శకుడు ఈ సినిమాలో నటించబోతున్నాడట. దీనికి సంబంధించి చర్చలు కూడా పూర్తయ్యాయట. త్వరలో అతని పాత్ర చిత్రీకరణ ప్రారంభిస్తారని సమాచారం. ఇంతకీ ఎవరా దర్శకుడు అనే కదా. ‘అందాల రాక్షసి’తో నటుడిగా మొదలై ‘చిలసౌ’ దర్శకుడిగా మారిన రాహుల్‌ రవీంద్రన్‌. ఇది మామూలు విషయం కావొచ్చు. కానీ ఈ సినిమా కోసం అతనికి భారీగానే చెల్లిస్తున్నారని వార్తలొస్తున్నాయి.
‘మన్మథుడు 2’తో బాక్సీఫీసు దగ్గర బోల్తా కొట్టి, నాగార్జున అభిమానులతో ట్రోలింగ్‌కు గురైన రాహుల్‌ రవీంద్రన్‌… ఆ తర్వాత పెద్దగా ఎక్కడా కనిపించలేదు. అంతకుముందు నటుడు అయినా… ముఖానికి రంగేసుకొని కూడా చాలా రోజులైంది. ఇన్నాళ్ల తర్వాత ‘శ్యామ్‌ సింగరాయ్‌’ కోసం నటించబోతున్నాడు. రాహుల్‌ సాంకృత్యాన్‌ దర్శకత్వంలో రూపొందుతున్న ఈ సినిమాలో నాని సోదరుడిగా రాహుల్‌ కనిపిస్తాడట. ఈ పాత్ర కోసం రాహుల్‌ రవీంద్రన్‌ కాస్త గట్టిగానే ముట్టజెప్పుతున్నారట. త్వరలోనే అతను సెట్స్‌లోకి అడుగుపెడుతున్నాడట.
సాయిపల్లవి, కృతి శెట్టి కథానాయికలుగా నటిస్తున్న ఈ సినిమాలో మడోన్నా సెబాస్టియన్‌ కూడా ఓ కీలక పాత్రలో కనిపిస్తుంది. ఈ సినిమా కథ విషయంలో ఇప్పటివరకు చాలా రకాల కథలు, పాయింట్లు చాలా బయటకు వచ్చాయి. అయితే వేటి విషయంలో చిత్రబృందం స్పందించలేదు. పేరుతోనే ఆకట్టుకున్న ఈ సినిమా ఎలా ఉంటుందో త్వరలో తెలుస్తుంది. ఈ లోగా సినిమా గురించి మరిన్ని విషయాలు బయటకు వస్తాయి.
Most Recommended Video
2020 Rewind: ఈ ఏడాది డిజాస్టర్ సినిమాలు ఇవే..!
ఈ 10 మంది సినీ సెలబ్రిటీలు పెళ్లి కాకుండానే పేరెంట్స్ అయ్యారు..!
లాక్ డౌన్ టైములో పెళ్లిళ్లు చేసుకున్న టాలీవుడ్ సెలబ్రిటీస్..!
