లాక్ డౌన్ కనుక లేకపోతే ఈ పాటికి…నాని ‘వి’ చిత్రం థియేటర్లో సందడి చేస్తూ ఉండేది. మొదట ఈ చిత్రాన్ని మార్చి 25న విడుదల చెయ్యాలి అనుకున్నారు దర్శకనిర్మాతలు ఇంద్రగంటి మోహన్ కృష్ణ మరియు నిర్మాత దిల్ రాజు. ఇదిలా ఉండగా… ఈ చిత్రం చేస్తూనే మరోపక్క ‘టక్ జగదీష్’ చిత్రం షూటింగ్ కూడా చేస్తూ వచ్చాడు నాని. అంతేకాదు ‘టాక్సీ వాలా’ ఫేమ్ రాహుల్ సంకృత్యాన్ తో కూడా నాని తన 27 వ చిత్రం చేయడానికి రెడీ అయ్యాడు.
‘శ్యామ్ సింగ రాయ్’ టైటిల్ తో ఈ చిత్రం ఉంటుందని నిర్మాత సూర్య దేవర నాగ వంశీ ప్రకటించారు. అయితే ఇప్పుడు ఆ చిత్రం ఆగిపోయింది అంటూ ఫిలింనగర్ వార్తలు ఊపందుకున్నాయి. ఈ చిత్రం టైం మెషిన్ కథాంశంతో రూపొందుతుంది అని ముందుగా ప్రచారం జరిగింది. అయితే అందుకు భారీ బడ్జెట్ పెట్టాల్సి వస్తుందట. దాంతో ప్రస్తుతానికి ఈ ప్రాజెక్ట్ ను ఆపేసి… పాన్ ఇండియా లెవెల్లో తీయాలని అనుకుంటున్నారట.
మీడియం రేంజ్ ఉన్న హీరోకే భారీ బడ్జెట్ పెట్టే బదులు పెద్ద హీరోతో చేస్తే బెటర్ కదా అనే ఆలోచనలో కూడా నిర్మాతలు ఆలోచిస్తున్నట్టు భోగట్టా. మరి ఈ వార్తల్లో ఎంత వరకూ నిజం ఉందో తెలియాల్సి ఉంది. ఇక ‘సితార ఎంటర్టైన్మెంట్స్’ సంస్థలో నాని ‘జెర్సీ’ చిత్రం కూడా చేసిన సంగతి తెలిసిందే.ఆ చిత్రం సూపర్ హిట్ అయ్యింది. అందుకే నాని తో ‘శ్యామ్ సింగ రాయ్’ ప్రాజెక్ట్ ను చేద్దాం అని వారు అనుకున్నారు.
Most Recommended Video
తండ్రికి తగ్గ తనయలు అనిపిస్తున్న డైరెక్టర్స్ కూతుళ్లు!
నిర్మాతలుగా కూడా సత్తా చాటుతున్న టాలీవుడ్ హీరోలు!
టాలీవుడ్ టాప్ హీరోల వరస్ట్ లుక్స్ ఇవే!
