‘ఫ్యామిలీ స్టార్‌’ (The Family Star) సినిమా రిలీజ్‌ అవుతుంద అనగానే… ఇద్దరి పేర్లు ఎక్కువగా వినిపించాయి. అయితే ఆ ఇద్దరూ ఆ సినిమాలో నటించలేదు. అలాగే ఆ సినిమాకు టెక్నికల్‌ టీమ్‌లో పని చేయలేదు కూడా. కానీ వాళ్లిద్దరి గురించి కూడా మాట్లాడుతున్నారు. వాళ్లే అక్కినేని నాగచైతన్య, అల్లు అరవింద్‌ (Allu Aravind) . ఈ సినిమాతో ఈ ఇద్దరికీ పూర్తిగా సంబంధం లేదా అంటే కచ్చితంగా ఉంది అని చెప్పాలి. అది ఎలా అనేది ఇక్కడ చర్చనీయాంశం.
మీకు గుర్తుండి ఉంటే… ‘ఫ్యామిలీ స్టార్‌’ సినిమా ప్రారంభానికి ముందు, ఇంకా చెప్పాలంటే ఆ అనౌన్స్‌మెంట్‌ అవ్వకముందు దర్శకుడు పరశురామ్‌ (Parasuram) – అక్కినేని నాగచైతన్య (Naga Chaitanya) మధ్య ఓ సినిమా ఉండాల్సి ఉంది. అన్నీ ఓకే త్వరలో సినిమా స్టార్ట్‌ అనుకున్న సమయంలో పరశురామ్‌ సినిమా నుండి బయటకు వచ్చేశారు. మహేష్‌బాబు (Mahesh Babu) ‘సర్కారు వారి పాట’ (Sarkaru Vaari Paata) పాడేశారు. ఆ తర్వాత మళ్లీ అక్కినేని నాగచైతన్య దగ్గరకు వస్తే.. ఈసారి ఆయన నో చెప్పేశారు. దీంతో విజయ్‌ దేవరకొండ దగ్గరకు వచ్చారు.
ఇక రెండో యాంగిల్‌ తీసుకుంటే ‘గీత గోవిందం’ (Geetha Govindam) సినిమా టీమ్ రీయూనియన్‌ అంటూ విజయ్‌ దేవరకొండ (Vijay Deverakonda) – పరశురామ్‌తో అల్లు అరవింద్‌ ఓ సినిమా అనౌన్స్‌ చేశారు. త్వరలో పూర్తి సమాచారం అని అనుకుంటుండగా… దిల్‌ రాజు (Dil Raju) నిర్మాణంలో పరశురామ్‌ – విజయ్‌ సినిమా అని అనౌన్స్‌మెంట్‌ వచ్చేసింది. దీంతో హర్ట్‌ అయిన దిల్‌ రాజు ప్రెస్‌ మీట్‌ మాట్లాడతా అని అనౌన్స్‌ చేసేశారు. కానీ ఆ తర్వాత ఆగిపోయారు.
దీంతో ఆ రెండు ప్రాజెక్టులు ఆగి ‘ఫ్యామిలీ స్టార్‌’ మొదలైంది అని చెప్పాలి. అలా ఆక్వర్డ్‌గా మొదలైన ఈ ప్రాజెక్టుకు ఇప్పుడు ఆక్వర్డ్‌ ఫలితం రావడంతో నాగచైతన్య, అల్లు అరవింద్‌ పేర్లు చర్చకు వస్తున్నాయి. అయితే ఇలా అనుకోవడం కరెక్ట్‌ కాదు అనే చర్చ కూడా జరుగుతోంది. ప్రాజెక్టులు ఆగడానికి, మొదలవ్వడానికి చాలా కారణాలు ఉంటాయని అవన్నీ అందరికీ తెలియవు అనేది మరికొందరి మాట.
