అపజయమెరుగని దర్శకుడు కొరటాల శివతో మెగాస్టార్ చిరంజీవి హీరోగా ‘ఆచార్య’ చిత్రం రూపొందుతోన్న సంగతి తెలిసిందే. ఇప్పటికే కొంత భాగం షూటింగ్ జరుపుకున్న ఈ చిత్రానికి ఇప్పుడు లాక్ డౌన్ కారణంగా బ్రేక్ పడింది. ఈ చిత్రంలో చరణ్ కూడా ఓ కీలక పాత్రలో కనిపిస్తాడని వార్తలు వచ్చాయి. అయితే మరోపక్క ‘ఆర్.ఆర్.ఆర్’ చిత్రం కూడా ఆగిపోయింది కాబట్టి… ఆ చిత్రం షూటింగ్ పార్ట్ చాలా బ్యాలెన్స్ ఉంది కాబట్టి.. చరణ్ ఈ చిత్రంలో నటించే అవకాశం లేదని కూడా ప్రచారం జరుగుతుంది.
ఆ డిస్కషన్ అలా జరుగుతూ ఉండగా… ఈ చిత్రంలో నిహారిక కూడా నటిస్తుంది అనే వార్తలు వస్తున్నాయి.అయితే నిహారిక ఈ చిత్రంలో ఎలాంటి పాత్రలో కనిపిస్తుంది అనేది ప్రస్తుతం చర్చనీయాంశం అయ్యింది. అందుతున్న సమాచారం ప్రకారం.. చరణ్ పాత్రకు చెల్లెలిగా నిహారిక కనిపించనుందని తెలుస్తుంది.వీరి మధ్య కొన్ని ఎమోషనల్ సీన్స్ కూడా ఉంటాయట. అవి సినిమాకే హైలెట్ గా నిలుస్తాయి అని … అలా బలమైన సిస్టర్ సెంటిమెంట్ ఉంది కాబట్టే…
నిహారికను తీసుకున్నట్టుగా తెలుస్తోంది. గతేడాది కూడా నిహారిక ‘సైరా’లో నటించిన సంగతి తెలిసిందే.అయితే ఆ చిత్రంలో కనీసం డైలాగ్ లు కూడా ఉండవు.అందులో కనీసం ఆమె పాత్రకు ప్రాముఖ్యత కూడా ఉండడు.కనీసం ‘ఆచార్య’లో ఆమె చేసే పాత్రతో అయినా ఆడియన్స్ ని మెప్పిస్తుందేమో చూడాలి. ఇక ‘ఆచార్య’ లో మెగాస్టార్ సరసన కాజల్ నటిస్తుండగా.. చరణ్ సరసన రష్మిక నటిస్తుంది అనే టాక్ నడుస్తుంది.
Most Recommended Video
తండ్రికి తగ్గ తనయలు అనిపిస్తున్న డైరెక్టర్స్ కూతుళ్లు!
నిర్మాతలుగా కూడా సత్తా చాటుతున్న టాలీవుడ్ హీరోలు!
టాలీవుడ్ టాప్ హీరోల వరస్ట్ లుక్స్ ఇవే!
