అందం అభినయం కలిసిన తార నిత్యా మీనన్. పక్కింటి అమ్మాయిల కనిపిస్తూ పదేళ్లుగా ఇండస్ట్రీలో నిలబడిన నటి ఆమె. స్కిన్ షోకు దూరంగా ఉంటూ నేటి కాలంలో పోటీని తట్టుకోవడమంటే చాల కష్టం. చక్కగా అభినయాన్ని పలికిస్తూ ప్రేక్షకులనే కాదు.. డైరక్టర్లను, హీరోలను ఆకట్టుకుంటోంది. మంచి పాత్రలను ఎంచుకుంటోంది. ఒక వైపు చిన్న చిత్రాల్లో మెయిన్ హీరోయిన్ గా చేస్తూనే .. మరో వైపు పెద్ద సినిమాల్లో సెకండ్ హీరోయిన్ గా చాన్స్ కొట్టేస్తోంది. ఈ మధ్య వచ్చే సినిమాల్లో ఈమె సెకండ్ హీరోయిన్ గా కనిపిస్తోంది. అవి విజయం సాధిస్తున్నాయి. ఆమె నటన చిత్రానికి ప్లస్ అవుతుండడంతో స్టార్ డైరక్టర్లు, హీరోలు నిత్యా మీనన్ ను సంప్రదిస్తున్నారు.
బెంగళూర్ డేస్ (మలయాళం)
అంజలి మీనన్ దర్శకత్వంలో 2014లో వచ్చిన “బెంగళూర్ డేస్” చిత్రంలో నిత్యా మీనన్ నటాషా గా కాసేపు కనిపిస్తారు. ఆమె కనిపించే లవ్ సీన్లు యువకులను విపరీతంగా ఆకట్టుకున్నాయి. మెయిన్ హీరోయిన్ గా చేస్తూ చిన్న స్పాన్ ఉన్న రోల్ చేయడానికి ఒప్పుకోవడం సాహసమే అని అనుకున్నారు అందరూ. కాని ఆ సినిమా ఎన్నో అవార్డులను సొంతం చేసుకుంటుందనే సంగతని నిత్యా మీనన్ అప్పుడే గ్రహించారు. కథల ఎంపికలో ఆమె చాల జాగ్రతగా ఉంటారని ఈ ఒక్క సినిమాతోనే తెలిసిపోతుంది. ఇందులో సెకండ్ హీరోయిన్ గా ఉన్నా మంచి పేరునే సంపాదించుకుంది.
కాంచన 2 (తమిళ్)
డీ గ్లామర్ పాత్ర చేయడానికి సామాన్యంగా ఏ హీరోయిన్ ఒప్పుకోదు. కాని రాఘవ లారెన్స్ దర్శకత్వంలో ముని 3 గా వచ్చిన కాంచన 2 లో నిత్యా మీనన్ వికలంగురాలైన గంగ పాత్ర పోషించారు. తన నటనతో కంటతడి పెట్టించారు. దీంతో ఏ పాత్రలోనైనా ఆమె ఒదిగి పోగలదని నిరూపించింది. కాంచన 2 లో సెకండ్ హీరోయిన్ అయినా మెయిన్ హీరోయిన్ తాప్సి కంటే మంచి గుర్తింపు దక్కించుకుంది.
s/o సత్యమూర్తి (తెలుగు)
మాటల మాంత్రికుడు త్రివిక్రమ్ నిత్యా మీనన్ నటనకు పిదా అయి తన s/o సత్యమూర్తి సినిమాలో వల్లి పాత్రను అందించారు. తెలుగులో అలా మొదలైంది, ఇష్క్, గుండెజారి గల్లంతయ్యిందే, మళ్లీ మళ్లీ రాని రోజు వంటి హిట్ సినిమాల్లో మెయిన్ హీరోయిన్ గా ఉన్నా.. అల్లు అర్జున్ పక్కన సమంత తో కలిసి స్క్రీన్ ను పంచుకుంది. హాస్యాన్ని పండించింది.
24
లేటెస్ట్ గా హిట్ సాధించిన 24 మూవీ లోనూ నిత్యా మీనన్ సెకండ్ హీరోయిన్ గా చక్కని ప్రతిభను కనిబరిచింది. ఆమె సెకండ్ హీరోయిన్ గా నటించిన సినిమాలన్నీ హిట్ అవుతుండడంతో చాలా సెంటిమెంట్ గా ఫీలయి తమ ప్రాజెక్ట్లో ఆమెని ఇన్వాల్వ్ చేస్తున్నారు. అందుకే ఈ మధ్య కాలంలో సెకండ్ హీరోయిన్ ఎవరంటే నిత్యా మీనన్ పేరు వినిపిస్తోంది.
ప్రస్తుతం షూటింగ్ జరుపుకుంటున్నఎన్టీఆర్ సినిమా జనత గ్యారేజ్ లో సెకండ్ హీరోయిన్ గా ఫిక్స్ అయ్యింది. గజని డైరక్టర్ ముగుర దాస్, తెలుగు సూపర్ స్టార్ మహేష్ బాబు కాంబి నేషన్ లో రానున్న మూవీలోను నిత్యా మీనన్ పేరు పరిశీలనలో ఉంది
