జూనియర్ ఎన్టీఆర్ RRR సినిమా తరువాత త్రివిక్రమ్ శ్రీనివాస్ సినిమాతో బిజీ కానున్న విషయం తెలిసిందే. అయితే ప్రాజెక్ట్ విషయంలో సమయం చాలానే దొరికినప్పటికి మాటల మాంత్రికుడు మాత్రం చాలా నెమ్మదిగా వెళుతున్నారు. లాక్ డౌన్ కంటే ముందు అనుకున్న ప్రాజెక్టుకు ఇంకా హీరోయిన్ దొరకడం లేదట. త్రివిక్రమ్ శ్రీనివాస్ సినిమాలో హీరోకు ఎంత ప్రాధాన్యత ఉంటుందో దాదాపు హీరోయిన్ కు కూడా చాలా ప్రాముఖ్యత ఉంటుంది. ఎన్టీఆర్ కు సరిపడే జోడిని తీసుకురావాలి అంటే ఇప్పుడు కాస్త కష్టంగానే ఉందట.
ఎందుకంటే RRR తరువాత వచ్చే సినిమా కాబట్టి అంచనాలు మరింత పెరగవచ్చు. అందుకే బాలీవుడ్ బ్యూటీ కీయరా అద్వానీపై ఎక్కువగా ఫోకస్ పెట్టారు. ఆమె ఇదివరకే భరత్ అనే నేను, వినయ విధేయ రామ సినిమాలతో తెలుగు ఆడియెన్స్ కు బాగా దగ్గరైంది. ఇక బుట్టబొమ్మ పూజా హెగ్డే మూడోసారి త్రివిక్రమ్ సినిమాలో నటించడానికి సిద్ధంగా ఉన్నట్లు మరో టాక్ వస్తోంది. అరవింద సమేత, అల.. వైకుంటపురములో వంటి సినిమాలతో మంచి క్రేజ్ అందుకున్న పూజా ప్రస్తుతం బాలీవుడ్ లో కూడా ఆఫర్స్ గట్టిగానే అందుకుంటోంది.
అయితే ఎన్టీఆర్ తో మరోసారి ఆమెనే అంటే అంతగా బాగుండదేమో అనే టాక్ కూడా వస్తోంది. త్రివిక్రమ్ అయితే ఎక్కువగా కీయరా వైపే మొగ్గుచూపుతున్నట్లు టాక్ వస్తోంది. మరి ఈ ఇద్దరిలో ఎవరిని ఫైనల్ చేస్తారో తెలియాలి అంటే మరికొన్ని రోజులు వేయిట్ చేయాల్సిందే.
Most Recommended Video
పిట్ట కథలు సిరీస్ రివ్యూ & రేటింగ్!
నాంది సినిమా రివ్యూ & రేటింగ్!
పొగరు సినిమా రివ్యూ & రేటింగ్!
