స్పీడ్ డైరక్టర్ పూరి జగన్నాథ్ దర్శకత్వంలో వచ్చిన టెంపర్ మూవీలో డిఫరెంట్ పోలీస్ ఆఫీసర్ గా యంగ్ టైగర్ ఎన్టీఆర్ అదరగొట్టారు. ఈ చిత్రం ద్వారా హిట్ ట్రాక్ ఎక్కారు. ఆ తర్వాత వచ్చిన నాన్నకు ప్రేమతో, జనతా గ్యారేజ్ తారక్ కి పూర్వవైభవాన్ని తెచ్చి పెట్టాయి. ఈ విజయ పరంపరను కొనసాగించాలని, మంచి కథ, హిట్ ట్రాక్ రికార్డ్ ఉన్న డైరక్టర్ కోసం ఎన్టీఆర్ గాలిస్తున్నారు. గత రెండు నెలలుగా కథలను వినడానికే టైమ్ కేటాయించారు. ఇప్పటివరకు పది మందికి పైగా దర్శకులు తారక్ కి కథలు వినిపించారు. అందులో దేనికి ఆయన సంతృప్తి చెందలేదు. దీంతో ఆ స్టోరీలను హోల్డ్ లో పెట్టారు.
తాజా సమాచారం ప్రకారం తమిళ దర్శకుడు హరి ఎన్టీఆర్ దృష్టిని ఆకర్షించినట్లు తెలిసింది. ఈ డైరక్టర్ సూర్య తో వరుసగా సింగం, సింగం 2 , సింగం 3 సినిమాలను తెరకెక్కించారు. కొన్ని రోజులక్రితం విడుదలైన సింగం 3 టీజర్ చూసి ఎన్టీఆర్ ఫ్లాట్ అయ్యారని, దీంతో ఆ దర్శకుడిని పిలిపించుకుని, తనకి సింగం లాంటి కథను సిద్ధం చేయమని అడిగినట్లు ఫిల్మ్ నగర్ వాసులు చెప్పుకుంటున్నారు. మరి హరి ఎప్పటిలోపున స్టోరీ సిద్ధం చేస్తారో తెలియదు కానీ, వీరిద్దరి కాంబినేషన్లో సింగం లాంటి సినిమా తెలుగులో రావడం ఖాయమని భావిస్తున్నారు.
Also, do SUBSCRIBE to our YouTube channel to get latest Tollywood updates.
