అపజయాలతో సతమవుతున్న శేఖర్ కమ్ముల ఫిదా మూవీతో మళ్లీ హిట్ ట్రాక్ లోకి వచ్చారు. ఈ విజయంలో హీరోయిన్ సాయి పల్లవి కి ఎక్కువ క్రెడిట్ దక్కుతుంది. తమిళనాడులో పుట్టి పెరిగినప్పటికీ తెలంగాణ అమ్మాయిలా నటించింది. అంతేకాదు ఇక్కడ భాష, యాస నేర్చుకొని ఆకట్టుకుంది. ఆమె డెడికేషన్, ట్యాలెంట్ మెచ్చి మరో ఛాన్స్ ఇచ్చారు. విలక్షణ నటుడు విక్రమ్ తనయుడు ధృవ్ ని హీరోగా పరిచయం చేస్తున్న సంగతి తెలిసిందే. సందీప్ రెడ్డి దర్శకత్వంలో విజయ్ దేవరకొండ చేసిన అర్జున్ రెడ్డి సినిమా రీమేక్ ద్వారా ధృవ్ ని వెండితెరపై చూపించబోతున్నారు. ఈ మూవీ బాలా దర్శకత్వంలో రూపుదిద్దుకుంటోంది.
మరోపక్క, తన కుమారుడిని స్ట్రైట్ తెలుగు మూవీలోను నటింపచేయిస్తున్నారు. శేఖర్ కమ్ముల దర్శకత్వంలో ధృవ్ ను టాలీవుడ్ కు పరిచయం చేసేందుకు విక్రమ్ చేసిన ప్రయత్నం ఫలించింది. డ్యాన్స్ నేపథ్యంలో ఈ చిత్రం ఉంటుందని సమాచారం. ఇందులో హీరోయిన్ గా నటించమని సాయి పల్లవిని కమ్ముల కోరడం, ఆమె ఓకే చెప్పడం జరిగిపోయింది. ఇక డేట్స్ కేటాయించడం పూర్తికాగానే అధికారికంగా ప్రకటించనున్నారు. శేఖర్ కమ్ముల తన సొంత బ్యానర్ పై నిర్మించనున్న ఈ మూవీ అక్టోబర్ నుంచి సెట్స్ పైకి వెళ్లనుంది.
