Sai Dharam Tej: మరో సినిమా ఓకే చేసిన సాయితేజ్‌.. ఎన్ని సినిమాలు లైన్‌లో పెట్టుకుంటాడు!

సాయి ధరమ్‌ తేజ్‌ నుండి సినిమా వచ్చి మూడేళ్లు అవుతోంది. వచ్చే జూన్‌లో ఆయన సినిమా వస్తే నాలుగేళ్లకు ఆయన నుండి సినిమా రాబోతోంది. అదే ‘సంబరాల యేటిగట్టు’. గత కొన్నేళ్లుగా షూటింగ్‌లో ఉన్న ఈ సినిమా సంక్రాంతికి అన్నారు కానీ.. ఆ తర్వాతే రావొచ్చు అని చెబుతున్నారు. ఇన్నాళ్ల గ్యాప్‌ను కవర్‌ చేయడానికి సాయితేజ్‌ ఇప్పుడు ప్లాన్‌ చేస్తున్నాడు అనిపిస్తోంది. అందుకే వరుస సినిమాలు చేయడానికి ప్లాన్‌ రెడీ చేసుకున్నారు. ఈ క్రమంలో కొత్త కథను ఓకే చేశాడు అని చెబుతున్నారు.

Sai Dharam Tej

అదే ‘గూఢచారి’, ‘మేజర్‌’ సినిమాల దర్శకుడు శశికిరణ్‌ తిక్కా దర్శకత్వంలో ఉండనున్న ప్రాజెక్ట్‌. ఆ సినిమా కోసం ఏకంగా సాయితేజ్‌ నిర్మాత అవ్వాలని ఫిక్స్‌ అయ్యాడట. ఈ సినిమా శశికిరణ్ స్టయిల్లోనే ఇదీ థ్రిల్లర్ జోనర్‌లోనే ఉంటుంది అని సమాచారం. ఇక పైన చెప్పినట్లు ‘సంబరాల యేటిగట్టు’ తర్వాత తేజు స్పీడు పెంచే పనిలో ఉన్నాడు. ‘సేవ్ ద టైగర్స్’ వెబ్‌ సిరీసులతో దర్శకుడిగా మారిన నటుడు తేజ కాకుమాను దర్శకత్వంలో తేజు ఒక సినిమాను కొన్ని రోజుల క్రితం అనౌన్స్ చేశాడు.

ఆ సినిమా తర్వాత ‘క’ సినిమా దర్శక ద్వయం సుజీత్ – సందీప్‌లతో ఒక సినిమా చేయాల్సి ఉంది. నిర్మాత వివేక్ కూచిభొట్ల ప్రొడక్షన్‌లో కూడా ఓ సినిమా చేస్తారని ఆ మధ్య వార్తలొచ్చాయి. అలా వరుస కథను దగ్గర పెట్టుకుని బరిలోకి దిగాలని సాయితేజ్‌ ప్లాన్‌లో ఉన్నాడు. ఇవన్నీ తేలాలి అంటే ఇప్పుడు చేతిలో చాలా రోజులుగా పెండింగ్‌లో ఉన్న ‘సంబరాల యేటి గట్టు’ పనులు పూర్తవ్వాలి. ఎందుకో కానీ ఆ సినిమా వాయిదా పడుతూనే ఉంది.

ఇక ఇటీవల సాయితేజ్‌ వివాహం కూడా కుదింది. తన చిన్ననాటి మిత్రురాలు కిరణ్మయితో ఆయన నిశ్చితార్థం నవంబర్ 5న జరిగింది. హైదరాబాద్‌లోని ఓ రిసార్ట్‌లో జరిగిన వేడుకకు ఇరు కుటుంబాల పెద్దలు, బంధువులు, సన్నిహితులు హాజరయ్యారు. వీరి వివాహం డిసెంబర్ 10, 2026న హైదరాబాద్‌లో జరగనుంది.

గేట్‌ తీయను అంటూ చిరంజీవి ఆ డైరక్టర్‌ని తిట్టారా… అసలేమైంది?

Read Today's Latest Movie News Update. Get Filmy News LIVE Updates on FilmyFocus