దర్శక ధీరుడు రాజమౌళి తెరకెక్కించిన బాహుబలి సిరీస్ లో హీరోగా నటించి పాన్ ఇండియా రేంజ్లో అభిమానులను పొందగలిగాడు పాన్ ఇండియా స్టార్ ప్రభాస్. అప్పటివరకు ఉన్న ఇండియన్ సినిమా రికార్డులనన్నిటిని తిరగరాసింది బాహుబలి 2. ఆ తరువాత ప్రభాస్ నటించిన కొన్ని సినిమాలు నిరాశపరిచినా కూడా, ఆ సినిమాల ఓపెనింగ్ కలెక్షన్లు మాత్రం గట్టిగానే రాబట్టాడు. అదే ఊపులో కెజిఫ్ దర్శకుడు ప్రశాంత్ నీల్ డైరెక్షన్లో వచ్చిన ‘సలార్’, నాగ్ అశ్విన్ దర్శకత్వంలో రూపొందిన ‘కల్కి 2898 AD’ చిత్రాలు బ్లాక్ బస్టర్ గా నిలిచాయి. రీసెంట్ గా సంక్రాంతి బరిలో విడుదలైన ‘రాజాసాబ్’ అభిమానుల అంచనాలను అందుకోలేకపోయింది. ఇది ఇలా ఉండగా, ప్రభాస్ ఒక అరుదైన ఘనత సాధించి వార్తల్లో నిలిచాడు. అదేంటంటే..
ఇప్పటి వరకు ఇండియా నుంచి ఏ నటుడికి సాధ్యం కాని ఒక ఫీట్ ను తన ఖాతాలో వేసుకున్నాడు ప్రభాస్. జపాన్ దేశంలో ఒక ప్రముఖ మ్యాగజైన్ ‘ANAN’ బ్యాక్ కవర్ పై ప్రభాస్ ఫోటో ప్రచురించారు. ఈ మ్యాగజైన్ జపాన్ దేశంలోనే అత్యంత మహిళా ప్రాచుర్యం పొందిన మ్యాగజైన్ అంట. ఈ మ్యాగజైన్ పై ప్రచురించబడ్డ మొట్ట మొదటి భారతీయ హీరో ప్రభాస్ యేనట. ఈ విధంగా ఇండియన్ హీరోలలో ఎవ్వరికి సాధ్యం కానీ రేర్ ఫీట్ సాధించి సరికొత్త చరిత్ర సృష్టించాడు ప్రభాస్. దీంతో ఆయన అభిమానుల అందానికి అవధులు లేకుండా పోయాయి. కాగా ప్రస్తుతం ప్రభాస్ డైనమిక్ డైరెక్టర్ సందీప్ రెడ్డి వంగ దర్శకత్వంలో ‘స్పిరిట్’ మూవీలో నటిస్తున్నారు.
