‘ఉస్తాద్ భగత్ సింగ్’ సినిమా ఎలా ఉంది? వసూళ్లేంటి? వచ్చేదెంత? పోయేదెంత? ఇవన్నీ సినిమా టీమ్ లెక్కలేసుకుంటుంది కానీ. ఇప్పుడు మనవైపు నుండి అంటే ప్రేక్షకుల వైపు నుండి అయితే కొన్ని ప్రశ్నలు వినిపిస్తున్నాయి. అవే సినిమా గురించి టీమ్ చెప్పిన కొన్ని హైప్ పెంచిన విషయాలు. సినిమాకు పెంచినంత హైప్, చెప్పిన హై ఓల్జేజ్ సీన్లు అందులో లేకపోతే కచ్చితంగా బాధగా ఉంటుంది. ఇప్పుడు పవన్ కల్యాణ్ ఫ్యాన్స్ బాధ అది మాత్రమే కాదు. చెప్పిన సీన్స్ కొన్ని లేకపోవడమే.
‘ఉస్తాద్ భగత్ సింగ్’ సినిమా ప్రచారంలో దర్శకుడు హరీశ్ శంకర్, నిర్మాతలు చాలా మాటలే చెప్పారు. ‘ఉస్తాద్..’ సినిమా ఎప్పుడొస్తుంది అనే క్లారిటీ లేకుండా ఇన్నాళ్లూ ఉన్న ఫ్యాన్స్కి షాక్నిస్తూ సినిమా టీమ్ మార్చి ఆఖరి వారంలో వస్తాం అన్నారు. ఆ తర్వాత ‘టాక్సిక్’ సినిమా వాయిదా పడటంతో మార్చి 19కి వచ్చేశారు. ఈ క్రమంలో చాలా సార్లు సినిమా గురించి చాలా విషయాలు చెప్పారు. అవి వదిలేస్తే కొన్నాళ్ల క్రితం ఓ సినిమా వేదిక మీద హరీశ్ శంకర్ చెప్పిన ఓ హైప్ సీన్.
ఓ సినిమా ఈవెంట్లో దర్శకుడు కమ్ హీరో ప్రదీప్ రంగనాథన్ మాట్లాడుతూ పవన్ కల్యాణ్ను డైరెక్ట్ చేయాలని ఉంది అనే మాట చెప్పారు. ఈ క్రమంలో ‘పవన్ కల్యాణ్ ఓ కారు మీద కూర్చుని ప్రయాణించే సీన్’ కూడా పెడతానని చెప్పారు. ఆ మాటలకు అక్కడే ఉన్న దర్శకుడు హరీశ్ శంకర్ మాట్లాడుతూ ‘ఆ ఛాన్స్ ఎవరికీ లేదని ‘ఉస్తాద్ భగత్ సింగ్’ సినిమాతో తాను తెరకెక్కించేశా’ అని చెప్పారు. దీంతో ఆ సీన్ గురించి ఫ్యాన్స్ తెగ వెయిట్ చేశారు. చూస్తే సినిమాలో ఆ సీన్లో లేదు.
ఆ మధ్య మైత్రీ మూవీ మేకర్స్ నిర్మాతలు మాట్లాడుతూ ‘ఓజీ’ సినిమాకు పదింతలు తమ సినిమా ఉంటుంది అని హైప్ ఇచ్చారు. రాశీ ఖన్నా కథ వినకుండా చేసింది మంచి పాత్ర అంటూ చెప్పకొచ్చారు హరీశ్ శంకర్. కానీ సినిమా వచ్చాక చూస్తే ఆ ఎక్స్పెక్టేషన్స్ ఓవర్ అయ్యాయి అని అర్థమైపోయింది.
