తెలుగు సినిమా పరిశ్రమని ఆ నలుగురు ఆడిస్తున్నారు. కొత్త నిర్మాతలని ఎదగనివ్వడం లేదు. గతంలో ఓ సీనియర్ స్టార్ డైరెక్టర్, ఇండస్ట్రీ పెద్ద చెప్పిన మాటలు ఇవి. ‘తెలుగు చిత్రసీమకి 4 వైపులా… కాపలాగా ఉంటూ వాళ్ళు కొత్త నిర్మాతలని రానివ్వడం లేదని.., వచ్చినా వాళ్ళ దగ్గర ఉన్న డబ్బులు అయిపోయేలా చేసి నిర్మాణ రంగం వైపు చూడనివ్వకుండా చేస్తున్నారు’ అని ఆయన ఆరోపించారు.
కొత్త నిర్మాత ఎవరైనా ఓ పెద్ద సినిమా తీయడానికి ప్యాషన్ తో వస్తే.. ఆ సినిమా పూర్తయ్యాక థియేట్రికల్ హక్కులను వాళ్ళకే అమ్మాలి. ఎందుకంటే 90 శాతం థియేటర్లు ఆ నలుగురు హ్యాండోవర్లో ఉన్నాయి కాబట్టి..! తెలుగు రాష్ట్రాల్లో ఉన్న చాలా థియేటర్లని వీళ్ళు లీజుకు తీసుకుని నడిపిస్తూ ఉంటారు. తమ సినిమాలు వస్తే.. ఎక్కువ థియేటర్స్ లో వేసుకుంటారు.
లేదు అంటే బాగున్న సినిమాని తమ థియేటర్లలో సెకండ్ రిలీజ్ కి తీసుకుని ఆడించుకుంటారు. అలా వీళ్ళు అణగదొక్కడం అనేది ఆనవాయితీగా వస్తోంది. వీళ్ళని ఇండస్ట్రీలో ఉన్న వాళ్ళు కానీ, పెద్ద మీడియా సంస్థలు కానీ నిలదీయవు అనే అభిప్రాయాలు కూడా ఉన్నాయి. అయితే సోషల్ మీడియాలో ఉన్న జనాలు మాత్రం ఇప్పుడు ఓటీటీ సంస్థల్ని టార్గెట్ చేసి నెగిటివ్ కామెంట్స్ చేస్తున్నారు. సినిమా రిలీజ్ డేట్..లను ఓటీటీ సంస్థలే డిసైడ్ చేస్తున్నాయట. దీనిని భూతద్దంలో పెట్టి చూస్తూ.. ఓటీటీ సంస్థలపై కొందరు నెగిటివ్ కామెంట్స్ చేస్తున్నారు.
వాస్తవానికి ఓటీటీ సంస్థల తీరులో ఎటువంటి తప్పు లేదు. కోట్లు పెట్టి సినిమా డిజిటల్ రైట్స్ ను కొనుగోలు చేసినప్పుడు.. ‘ఎప్పుడు స్ట్రీమింగ్ చేసుకోవాలి’ అనే స్వాతంత్రం వాళ్లకు ఉంటుంది. ‘అందులో తప్పేముంది. కొన్ని దశాబ్దాలుగా ఇండస్ట్రీని ఆడిస్తున్న ఆ నలుగురిని వదిలేసి.. ఓటీటీ సంస్థల పై పడటం ఎంత వరకు కరెక్ట్’ అనేది కొందరి అభిప్రాయం.
