పవర్‌స్టార్ పవన్ కల్యాణ్‌తో హరీశ్ శంకర్ తెరకెక్కించనున్న ‘భవదీయుడు భగత్ సింగ్ ’ చిత్రంలో హీరోయిన్‌గా పొడుగు కాళ్ల సుందరి పూజా హెగ్డే కన్ఫర్మ్ అయ్యింది. అఖిల్‌, పూజా కలిసి నటించిన `మోస్ట్ ఎలిజిబుల్‌ బ్యాచ్‌లర్‌` ఈవెంట్‌కు హాజరైన హరీశ్ శంకర్ మాట్లాడుతూ ఈ విషయాన్ని అఫిషీయల్‌గా అనౌన్స్ చేశాడు. హరీష్‌ శంకర్ గతంలో తెరకెక్కించిన `డీజే`, `గద్దల కొండ గణేష్‌` చిత్రాల్లో పూజా హెగ్డే నటించిన విషయం తెలిసిందే.
ఇప్పుడు ఆయన చెప్పింది నిజమే అయితే ముచ్చటగా మూడోసారి ఈ కాంబినేషన్‌ సెట్‌ కాబోతుందని చెప్పొచ్చు. ఇక పవన్ కళ్యాణ్‌‌తో నటించడం పూజాకి ఇదే తొలిసారి. మరోవైపు హరీష్‌ శంకర్ గతంలో పవన్‌కల్యాణ్‌తో `గబ్బర్‌సింగ్‌` వంటి బ్లాక్‌ బస్టర్‌ని తెరకెక్కించారు. చాలా ఏళ్ల గ్యాప్‌తో వీరిద్దరి కాంబినేషన్‌లో రాబోతున్న చిత్రం కావడంతో భవదీయుడుపై పవన్ అభిమానులతో పాటు టాలీవుడ్ వర్గాల్లోనూ భారీ అంచనాలున్నాయి. ఇప్పటికే ఈ మూవీ ఫస్ట్ లుక్‌ని కూడా విడుదల చేసింది చిత్ర యూనిట్.
బైక్‌పై తుపాకీతో ఉన్న పవన్ లుక్‌ అదిరిపోయేలా ఉంది. ఈ సారి జస్ట్ ఎంటర్‌టైన్‌మెంట్‌ మాత్రమే కాదు, అంతకు మించి ఉంటుందని హరీష్‌ శంకర్ ఫ్యాన్స్‌‌కి సంకేతాలు ఇచ్చారు. ఆ మాటను పోస్టర్‌లోనే చెప్పేశారు.
Most Recommended Video
సమంత- నాగచైతన్య మాత్రమే కాదు టాలీవుడ్లో ఇంకా చాలా మంది ఉన్నారు..!
‘రిపబ్లిక్’ మూవీలో గూజ్ బంప్స్ తెప్పించే డైలాగులు ఇవే..!
టాలీవుడ్ స్టార్ హీరోల ఇష్టమైన కార్లు..వాటి ధరలు
