ప్రభాస్ (Prabhas) నాగ్ అశ్విన్ (Nag Ashwin) కాంబినేషన్ లో తెరక్కిన కల్కి (Kalki 2898 AD) సినిమా ప్రమోషన్స్ లో భాగంగా ప్రభాస్ తన పాత్రకు సంబంధించిన సీక్రెట్స్ ను రివీల్ చేశారు. కల్కి సినిమాలోని నా పాత్రలో గ్రే షేడ్స్ ఉంటాయని ప్రభాస్ చెప్పుకొచ్చారు. నేను సినిమాలో సూపర్ హీరోగా కనిపిస్తానని ఆయన అన్నారు. సినిమాలో నా రోల్ కొంచెం సరదాగా కూడా ఉంటుందని ప్రభాస్ పేర్కొన్నారు. బాహుబలికి ముందు నేను నా సినిమాల్లో కొంచెం కామెడీ చేశానని ఆయన తెలిపారు.
నార్త్ ప్రేక్షకులకు మాత్రం నాలో కామెడీ కోణం తెలియదని ప్రభాస్ పేర్కొన్నారు. అందువల్ల నార్త్ ఆడియన్స్ నా రోల్ ను కొత్తగా ఫీలయ్యే ఛాన్స్ ఉందని ప్రభాస్ వెల్లడించారు. నా కెరీర్ లోనే భైరవ బెస్ట్ క్యారెక్టర్ అని ప్రభాస్ చెబుతున్నారు. బాహుబలి (Baahubali) , బాహుబలి2 (Baahubali 2) , సాహో (Saaho), సలార్ (Salaar) సినిమాలతో ప్రభాస్ నార్త్ ప్రేక్షకులకు సైతం దగ్గరయ్యారు. ప్రభాస్ సినిమాలు నార్త్ లో సైతం రికార్డ్ స్థాయిలో కలెక్షన్లు సాధిస్తున్నాయి.
కల్కి 2898 ఏడీ సినిమా ప్రభాస్ కెరీర్ లో బెస్ట్ సినిమాగా నిలుస్తుందేమో చూడాల్సి ఉంది. సినిమాలో తన పాత్రకు కామెడీ టచ్ కూడా ఉంటుందని ప్రభాస్ చెప్పడంతో మరోసారి కల్కి సినిమాలో బుజ్జిగాడు తరహా ప్రభాస్ ను చూడబోతున్నామంటూ ఫ్యాన్స్ కామెంట్లు చేస్తున్నారు. కల్కి సినిమాకు చాలా థియేటర్లలో వీకెండ్ వరకు కలెక్షన్ల విషయంలో ఢోకా లేదని తెలుస్తోంది.
కల్కి సినిమాలో పాన్ ఇండియా ప్రముఖ నటులు నటిస్తుండటం ఈ సినిమాపై అంచనాలు మరింత పెరగడానికి కారణమైందని చెప్పవచ్చు. కల్కి 2898 ఏడీ ఫస్ట్ పార్ట్ ఈ రేంజ్ లో ఉంటే సెకండ్ పార్ట్ ఏ రేంజ్ లో ఉండనుందో తెలియాల్సి ఉంది. కల్కి 2898 ఏడీ ప్రభాస్ ఫ్యాన్స్ తో పాటు సాధారణ అభిమానులను సైతం మెప్పించడం ఖాయమని కామెంట్లు వ్యక్తమవుతున్నాయి.
