ప్రియమణి హీరోయిన్‌గా ఇండస్ట్రీలో అడుగుపెట్టి 18 ఏళ్లు అయ్యింది. వచ్చిన కొత్తలో ఓ వెలుగు వెలిగిన ప్రియ… ఆ తర్వాత మెల్లగా సినిమాల నుండి దూరమయ్యేలా కనిపించింది. అయితే ఇటీవల సెకండ్‌ ఇన్నింగ్స్‌ ప్రారంభించి ఈ బ్యూటీ… వరుస సినిమాలు ఓకే చేస్తూ ఉంది. ఈ క్రమంలో మీ కెరీర్‌లో, ఇండస్ట్రీలో ఏం మార్పులు చూశారు అని అడిగితే… హీరోయిన్ల పాత్ర చిత్రణ గురించి ఆసక్తికర కామెంట్స్‌ చేసింది.
ఒకప్పుడు కథానాయికలంటే హీరోల పక్కన ఆడిపాడే అమ్మాయిలు అనుకునే వాళ్లు. ఇప్పుడూ అలాంటి కమర్షియల్‌ చిత్రాలు వస్తున్నాయి. అయితే ఇటీవల కాలంలో కథల్లో మార్పులు వస్తున్నాయి. నాయికల పాత్రల్ని బలంగా చూపిస్తూ కథలు సిద్ధం చేస్తున్నారు. దీంతో ఇప్పుడు నటనకు అవకాశం ఉంటోంది. నాయికా ప్రాధాన్య కథల్ని వెండితెరపైకి తీసుకొస్తున్నారు అంటూ హీరోయిన్ల పాత్రల గురించి చెప్పుకొచ్చింది ప్రియమణి.
పెళ్లి తర్వాత చాలామంది నాయికలు సినిమాలకు దూరమవుతారు. అయితే బాలీవుడ్‌ భామలు దీనికి విరుద్ధం. ప్రియమణి కూడా అంతే. ఆమె సెకండ్‌ ఇన్నింగ్స్‌ పెళ్లి తర్వాతే మొదలైంది. ఏంటి ఈ వేగం వెనుక కారణం అని అడిగితే… ఇప్పుడు దర్శకులు నాకోసం స్ట్రాంగ్‌ క్యారెక్టర్స్‌ రాస్తున్నారు. వాటిలో ప్రేక్షకులు నన్ను ఆదరిస్తున్నారు. అంటూ తన సెకండ్‌ ఇన్నింగ్స్‌ విజయం ఆ ఇద్దరికీ ఇచ్చేసింది ప్రియమణి.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
