పవన్ కళ్యాణ్ (Pawan Kalyan) ఫ్యాన్స్ లో.. అల్లు అర్జున్ (Allu Arjun) పై ఇప్పుడు నెగిటివిటీ ఉంది. ఆంధ్రప్రదేశ్ అసెంబ్లీ ఎన్నికల్లో భాగంగా మెగా ఫ్యామిలీ అంతా పవన్ కళ్యాణ్ ‘జనసేన’ కి మద్దతుగా నిలబడితే… అల్లు అర్జున్ మాత్రం నంద్యాల నుండి ఎమ్మెల్యే పదవికి పోటీ చేసిన శిల్పా రవికి మద్దతు పలుకుతూ.. అతనికి ప్రచారం చేశాడు. ఇది మెగా ఫ్యాన్స్ కి, జనసేనని అభిమానించే వారికి అస్సలు నచ్చలేదు. ఈ క్రమంలో ముందుగా నాగబాబు..
పరోక్షంగా ట్విట్టర్లో అల్లు అర్జున్ పై నెగిటివ్ ట్వీట్ వేశాడు. వెంటనే అల్లు అర్జున్ ఫ్యాన్స్ ట్రోలింగ్ కి దిగడంతో అకౌంట్ ని కూడా డీయాక్టివేట్ చేశాడు. ఆ తర్వాత మెగా అభిమానులు కూడా అల్లు అర్జున్ ఫ్యాన్స్ ని రివర్స్ లో ట్రోల్ చేయడం జరిగింది. ‘జనసేన’ గెలిచిన తర్వాత అల్లు అర్జున్ పై నెగిటివిటీ ఇంకా పెరిగింది. ఈ క్రమంలో ‘పుష్ప 2 ‘ (Pushpa 2) ఎలా ఉంటుందో అనే అనుమానాలు కూడా వ్యక్తమయ్యాయి.
తర్వాత ‘పుష్ప 2 ‘ విడుదల కూడా పోస్ట్ పోన్ అవ్వడంతో.. అల్లు అర్జున్ మంచికే జరిగింది అంతా కామెంట్స్ చేశారు. ఇంత జరిగినా అల్లు ఫ్యామిలీ నుండి ఎవ్వరూ మీడియా ముందుకు వచ్చి క్లారిటీ ఇచ్చే ప్రయత్నం చేయలేదు. అయితే ఈరోజు టాలీవుడ్ నిర్మాతలంతా ఆంధ్రప్రదేశ్ డిప్యూటీ సీఎం అయిన పవన్ కళ్యాణ్ ని కలవడానికి వెళ్లారు. అందులో అల్లు అరవింద్ కూడా ఉండటంతో.. ‘ఏమై ఉంటుందా? అనే అనుమానాలు వ్యక్తమయ్యాయి’.
ఈ క్రమంలో అల్లు అరవింద్ (Allu Aravind) మీడియాతో ముచ్చటించారు. ‘ఉప ముఖ్యమంత్రి పవన్ కళ్యాణ్, నారా చంద్రబాబు నాయుడు..లను టాలీవుడ్ నిర్మాతలు సత్కరించేందుకు అనుమతి కోరుతూ వచ్చామని, ఇండస్ట్రీలో ఉండే సమస్యల గురించి కాదు’ అంటూ అల్లు అరవింద్ చెప్పుకొచ్చారు. కానీ మిగిలిన వారు ఇండస్ట్రీలో ఉన్న సమస్యల గురించే డిస్కస్ చేయడానికి వెళ్లినట్టు చెబుతుండటం గమనార్హం. ‘అల్లు అరవింద్ కామెంట్స్ ను బట్టి చూస్తే.. అల్లు అర్జున్ పై ఉన్న నెగిటివిటీని తగ్గించాలనే ఉద్దేశంతో అలా మాట్లాడినట్టు ఉంది’ అంటూ కొందరు కామెంట్స్ చేస్తున్నారు.
