ఈ లాక్ డౌన్ ఎఫెక్ట్ తో సినీ ఇండస్ట్రీకి భారీ నష్టం వాటిల్లింది.విడుదల కావాల్సిన ఎన్నో సినిమాలు ఆగిపోయాయి. షూటింగ్ దశలో ఉన్న చాలా సినిమాలకు కూడా దెబ్బపడింది. సినిమాల కోసం కోట్లకు కోట్లు.. అప్పులు తెచ్చిన నిర్మాతలకు ఇంట్రెస్ట్ ల రూపంలో తడిసి మోపుడవుతుందని సమాచారం. ఇప్పుడు ఆ నష్టాల్ని భర్తీ చెయ్యడానికి.. షూటింగ్ లు మొదలయ్యాక నటీ నటుల పారితోషికాల్లో కోతలు విధించబోతున్నారని ఇప్పటికే టాక్ నడుస్తుంది.
అది చిన్న హీరో సినిమా అయినా… పెద్ద హీరో సినిమా అయినా సరే.. కోతలు మాత్రం తప్పవు! ఇదిలా ఉంటే.. నిర్మాణరంగం ఇప్పుడు కోలుకోవడానికి చాలా సమయం పడుతుంది అని అందరూ ఆందోళన చెందుతుంటే…మన చరణ్ మాత్రం .. మహేష్ బాబు సినిమా కోసం భారీ రేంజ్లో పెట్టుబడి పెట్టడానికి రెడీ అవుతున్నాడట. అందుతున్న సమాచారం ప్రకారం.. రాజమౌళి డైరెక్షన్లో మహేష్ బాబు ఓ చిత్రం చెయ్యడానికి రెడీ అవుతున్నాడు. ‘ఆర్.ఆర్.ఆర్’ పూర్తయ్యాక ఈ ప్రాజెక్ట్ మొదలు కాబోతుంది. ‘శ్రీ దుర్గా ఆర్ట్స్’ అధినేత కె.ఎల్.నారాయణ్ భారీ బడ్జెట్ తో ఈ ప్రాజెక్ట్ ను నిర్మించబోతున్నాడు.
ఇప్పుడు రాంచరణ్ కూడా ఈ ప్రాజెక్ట్ లో నిర్మాణ భాగస్వామిగా జాయినవ్వనున్నాడని తెలుస్తుంది. ఈ విషయం పై స్వయంగా చరణే క్లారిటీ ఇచ్చాడు. మరో పక్క చరణ్ తో కూడా మహేష్ బాబు తన సొంత నిర్మాణ సంస్థలో ఓ చిత్రాన్ని నిర్మించడానికి ప్లాన్ చేస్తున్నాడు.వంశీ పైడిపల్లి ఈ చిత్రానికి దర్శకుడిగా వ్యవహరించబోతున్నట్టు సమాచారం. అయితే ఓ పక్క సినిమాలు నిర్మించడానికి ఎంతో అనుభవం ఉన్న నిర్మాతలే భయపడిపోతుంటే.. ఈ స్టార్ హీరోలు మాత్రం వందల కోట్లు పెట్టుబడి పెట్టి సినిమాలు నిర్మించానికి రెడీ అవుతుండడం ఆశ్చర్యం కలిగించే విషయం.
Most Recommended Video
కవల పిల్లలు పిల్లలు కన్న సెలెబ్రిటీలు వీరే..!
బాగా ఫేమస్ అయిన ఈ స్టార్స్ బంధువులు కూడా స్టార్సే
బాలయ్య సాధించిన అరుదైన రికార్డ్స్ ఇవే..!
