మెగా కోడలు ఉపాసన సోషల్ మీడియాలో ఎంతో యాక్టివ్ గా ఉండే విషయం మనకు తెలిసిందే. ఇలా తనకు సంబంధించిన అన్ని విషయాలను అభిమానులతో పంచుకొని ఈమె తాజాగా బాలీవుడ్ కొత్తజంట కియారా అద్వానీ సిద్దార్థ్‌ మల్హోత్ర జంటకు సోషల్ మీడియా వేదికగా క్షమాపణలు తెలియజేశారు. అసలు ఈ కొత్త దంపతులకు మెగా కోడలు క్షమాపణలు చెప్పడానికి గల కారణం ఏంటి అనే విషయానికి వస్తే… గత కొంతకాలంగా ప్రేమలో ఉన్నటువంటి కియారా సిద్దార్థ్‌ మల్హోత్ర మంగళవారం సాయంత్రం వివాహ బంధంతో ఒకటయ్యారు.
వీరి వివాహం రాజస్థాన్లోని సూర్యగఢ్ పాలెస్ లో ఎంతో అంగరంగ వైభవంగా జరిగింది. వీరి వివాహానికి ఎంతో మంది సినీ ప్రముఖులు హాజరయ్యారు.అయితే వీరి వివాహ మహోత్సవానికి టాలీవుడ్ ఇండస్ట్రీకి చెందిన రామ్ చరణ్ ఉపాసన దంపతులకు కూడా ఆహ్వానం అందింది. ఇలా రామ్ చరణ్ ఉపాసన దంపతులను తమ పెళ్లికి ఆహ్వానించిన కొన్ని కారణాలవల్ల వీరు పెళ్లికి వెళ్లలేక పోయారు.అయితే వీరి వివాహం పూర్తి అయిన తర్వాత నటి కియారా సోషల్ మీడియా వేదికగా
తన పెళ్లి ఫోటోలను షేర్ చేస్తూ శాశ్వత బంధంలోకి అడుగుపెట్టాం మీ ఆశీర్వాదాలు కావాలి అంటూ పెళ్లి ఫోటోలను షేర్ చేశారు. అయితే ఈ ఫోటోలపై స్పందించిన ఉపాసన తన పెళ్లి ఫోటోలను సోషల్ మీడియా వేదికగా షేర్ చేస్తూ క్షమాపణలు చెప్పారు.ఉపాసన సోషల్ మీడియా వేదికగా స్పందిస్తూ…కంగ్రాట్స్‌ కియారా… మీ జోడీ చూడముచ్చటగా ఉంది. పెళ్లికి మేం హాజరు కాలేకపోయినందుకు సారీ. మీ ఇద్దరికీ మరోసారి నా అభినందనలు అని ఉపాసన కామెంట్‌ చేశారు.
ప్రస్తుతం ఈ పోస్ట్ సోషల్ మీడియాలో వైరల్ గా మారింది. ఇకపోతే కియారా తెలుగులో భరత్ అనే నేను సినిమా ద్వారా తెలుగు ప్రేక్షకులకు పరిచయమయ్యారు. అనంతరం రామ్ చరణ్ సరసన వినయ విధేయ రామ సినిమాలో నటించారు. ప్రస్తుతం రాంచరణ్ తో కలిసి ఈమె RC 15 అనే పాన్ ఇండియా సినిమా ద్వారా ప్రేక్షకుల ముందుకు రాబోతున్నారు.
రైటర్‌ పద్మభూషణ్‌ సినిమా రివ్యూ & రేటింగ్!
రెబల్స్ ఆఫ్ తుపాకుల గూడెం సినిమా రివ్యూ & రేటింగ్!
మైఖేల్ సినిమా రివ్యూ & రేటింగ్!
టాలీవుడ్ లో రీమిక్స్ చేసిన 20 తెలుగు పాటలు ఇవే!
