ప్రస్తుతం టాలీవుడ్, బాలీవుడ్ ఇండస్ట్రీలలో వరుస సినిమా ఆఫర్లతో రష్మిక మందన్నా బిజీగా ఉన్నారు. ఒక్కో సినిమాకు రెండు కోట్ల రూపాయల పారితోషికం తీసుకుంటున్న రష్మికకు తెలుగులో కొత్త సినిమా ఆఫర్లు కూడా వస్తున్నాయి. ప్రస్తుతం రష్మిక పుష్ప సినిమాతో పాటు ఆడవాళ్లు మీకు జోహార్లు సినిమాల్లో నటిస్తున్నారు. పుష్ప సినిమా రెండు భాగాలుగా తెరకెక్కనుండగా పాన్ ఇండియా సినిమాగా తెరకెక్కుతున్న ఈ సినిమాపై భారీగా అంచనాలు నెలకొన్నాయి.
సుల్తాన్ సినిమాతో కోలీవుడ్ ఇండస్ట్రీలోకి ఎంట్రీ ఇచ్చిన రష్మికకు ఆ సినిమా రిజల్ట్ షాక్ ఇచ్చింది. సుల్తాన్ సినిమా తమిళంలో యావరేజ్ రిజల్ట్ ను అందుకుంది. ఈ సినిమాలో రష్మిక పక్కా పల్లెటూరి యువతిగా నటించడం గమనార్హం. అయితే తాజాగా రష్మిక మాట్లాడుతూ తమిళ ఇంటికే కోడలిని కావాలని తన కోరిక అంటూ ఆసక్తికర విషయాలను వెల్లడించారు. తమిళ సంసృతి, సాంప్రదాయం ఇతర రాష్ట్రాల సంస్కృతి, సాంప్రదాయాలతో పోలిస్తే విభిన్నంగా ఉంటాయని ఆమె పేర్కొన్నారు.
తనను తమిళనాడు సంస్కృతి, సాంప్రదాయం ఎంతగానో ఆకర్షించాయని రష్మిక తెలిపారు. తమిళ వంటకాలంటే తనకు అమితమైన ఇష్టం అని అక్కడి వంటలు, భోజనం ఎంతో రుచికరంగా ఉంటాయని అందువల్లే తమిళ ఇంటికి కోడలిని కావాలని అనుకుంటున్నానని రష్మిక తెలిపారు. రష్మిక అలా చెప్పడంతో ఆమె కోలీవుడ్ హీరోను చేసుకుంటారా..? అని అభిమానులు సందేహాలు వ్యక్తం చేస్తున్నారు.
Most Recommended Video
థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
