బాలీవుడ్‌లో సక్సెస్‌ఫుల్‌ స్టార్ రిలేషన్‌ షిప్స్‌ తక్కువగా ఉంటాయి. ప్రేమలో ఉన్నారు, ప్రేమ పక్షుల్లా కలసి తిరుగుతున్నారు అంటూ.. చాలామంది పేర్లు వినిపిస్తుంటాయి. ఇదిగో కలిశారు, అదిగో విడిపోయారు అంటూ వార్తలొస్తాయి. వాటి మధ్యలో ఎక్కడో ఒకసారి పెళ్లి కబురు వినిపిస్తూ ఉంటుంది. ఇలాంటి పరిస్థితి వరకు వెళ్లి వెనక్కి వచ్చేసిన జంటల్లో అక్షయ్‌ కుమార్‌ – రవీనా టాండన్‌ ఒకటి. వీరిద్దరి రిలేషన్‌ తెగిపోయి 25 ఏళ్ల తర్వాత ఇప్పుడు రవీనా నోరు విప్పింది.
అక్షయ్‌ కుమార్‌తో వివాహం రద్దయిన ఆ క్షణాలను ఇప్పటికీ మర్చిపోలేకపోతున్నట్లు రవీనా టాండన్‌ ఇటీవల చెప్పుకొచ్చింది. దాంతోపాటు ఆ రోజుల్లో ఏం జరిగింది అనే విషయం కూడా చెప్పింది. 1994లో ‘మోహ్రా’ అనే సినిమా కోసం అక్షయ్‌, రవీనా టాండన్‌ కలిసి పనిచేశారు. ఆ సినిమా మంచి విజయం అందుకోవడంతో ఈ జోడీకి ప్రశంసలు లభించాయి. ఈ క్రమంలో అక్షయ్‌ – రవీనా రిలేషన్‌లోకి వెళ్లారు. నిశ్చితార్థం కూడా జరిగింది. అయితే వెంటనే బ్రేకప్‌ అయిపోయింది.
బ్రేకప్‌ అయిన వెంటనే అతని జీవితం నుండి నేను బయటకు వచ్చేశాను అని రవీనా చెప్పింది. అక్షయ్‌ కూడా వేరే అమ్మాయితో డేటింగ్‌ చేశాడు. నేను వేరే వ్యక్తితో రిలేషన్‌లోకి వెళ్లాను. ఈ క్రమంలో ఎప్పుడూ మా మధ్య అసూయకు రాలేదు. ఇప్పటికీ మేం తరచుగా కలుస్తున్నాం, మాట్లాడుకుంటాం కూడా. అయితే నిశ్చితార్థం ఎప్పుడు జరిగిందనేది గుర్తులేదు కానీ, దాని తర్వాత జరిగిన పరిణామాలు ఇప్పటికీ నా మనసులో ఉండిపోయాయి అని చెప్పింది రవీనా.
అక్షయ్‌తో బ్రేకప్‌ తర్వాత.. కొంతకాలం పాటు పేపర్లు చదవలేదట రవీనా. ఆ విషయం పక్కన పెడితే.. అక్షయ్‌ తన సహ నటి ట్వింకిల్‌ ఖన్నాను 2001లో వివాహం చేసుకున్నాడు. అనిల్‌ అనే వ్యాపారవేత్తతో రవీనా సైతం ఏడడుగులు వేసింది. అయితే ఇన్నేళ్ల తర్వాత ఇప్పుడు అక్షయ్‌తో రిలేషన్‌, బ్రేకప్‌ గురించి రవీనా ఎందుకు మాట్లాడింది అనేది ఆసక్తికరంగా, చర్చనీయాంశంగా మారింది.
రైటర్‌ పద్మభూషణ్‌ సినిమా రివ్యూ & రేటింగ్!
రెబల్స్ ఆఫ్ తుపాకుల గూడెం సినిమా రివ్యూ & రేటింగ్!
మైఖేల్ సినిమా రివ్యూ & రేటింగ్!
టాలీవుడ్ లో రీమిక్స్ చేసిన 20 తెలుగు పాటలు ఇవే!
