క్రాక్ సినిమా సక్సెస్ తో జోరుమీదున్న రవితేజ కెరీర్ ను చక్కగా ప్లాన్ చేసుకుంటున్నారు. ప్రస్తుతం రమేష్ వర్మ డైరెక్షన్ లో ఖిలాడీ సినిమాలో నటిస్తున్న రవితేజ ఈ సినిమా తరువాత శరత్ డైరెక్షన్ లో ఒక సినిమాలో నటిస్తున్న సంగతి తెలిసిందే. ఈ సినిమాకు సంబంధించి రవితేజ ఒక విషయంలో బన్నీని ఫాలో కానున్నారని సమాచారం. సుకుమార్ డైరెక్షన్ లో తెరకెక్కుతున్న పుష్ప సినిమాలో బన్నీ చిత్తూరు యాసలో మాట్లాడతారనే సంగతి తెలిసిందే.
శరత్ డైరెక్షన్ లో తెరకెక్కనున్న సినిమాలో రవితేజ సైతం చిత్తూరు యాసలో మాట్లాడనున్నారని తెలుస్తోంది. సినిమాల బడ్జెట్లు భారీగా పెరిగిన నేపథ్యం దర్శకులు, రచయితలు హీరోల పాత్రల్లో వైవిధ్యం ఉండే విధంగా జాగ్రత్తలు తీసుకుంటున్నారు. ఇప్పటికే రచయితగా ప్రూవ్ చేసుకున్న శరత్ మాండవ ఈ సినిమాతో దర్శకునిగా కూడా ప్రూవ్ చేసుకోవాలని అనుకుంటున్నారు. క్రాక్ సినిమాలో ఒంగోలు యాసలో మెప్పించిన రవితేజ చిత్తూరు యాసలో ఎలా మాట్లాడతారో చూడాల్సి ఉంది.
రాజా ది గ్రేట్ సినిమా తరువాత సరైన హిట్ లేని రవితేజ క్రాక్ సినిమాతో సక్సెస్ సాధించారు. జులై నెల నుంచి రవితేజ శరత్ కాంబో సినిమా షూటింగ్ ప్రారంభమయ్యే అవకాశాలు ఉన్నాయని తెలుస్తోంది. 1990 బ్యాక్ డ్రాప్ తో ఈ సినిమా తెరకెక్కనుండగా ఈ సినిమాలో ఇద్దరు హీరోయిన్లు నటిస్తారని తెలుస్తోంది. ఈ సినిమాలో ఒక హీరోయిన్ గా మజిలీ ఫేమ్ దివ్యాంశ కౌశిక్ నటించనుండగా సెకండ్ హీరోయిన్ గా ఎవరు నటిస్తారో తెలియాల్సి ఉంది.
Most Recommended Video
బాలకృష్ణ మిస్ చేసుకున్న సినిమాల లిస్ట్.. హిట్లే ఎక్కువ..!
సింహా టైటిల్ సెంటిమెంట్ బాలయ్యకి ఎన్ని సార్లు కలిసొచ్చిందో తెలుసా?
26 ఏళ్ళ ‘పెదరాయుడు’ గురించి ఈ 10 సంగతులు మీకు తెలుసా?
