నందమూరి అభిమానులకు ఇది శుభవార్తే అనాలి. నటసింహం బాలయ్య కుమారుడు మోక్షజ్ఞ ఇక హీరోగా ఎంట్రీ ఇవ్వడం కష్టమే అనుకుంటున్న తరుణంలో వారిలో ఆశ చిగురించింది. తాజా ఇంటర్వ్యూలో బాలయ్య తన కుమారుడు సినీ అరంగేట్రం గురించి చెప్పాడు. అలాగే మోక్షజ్ఞకు సినిమాలపై మక్కువ ఉంది అన్నారు. మంచి సమయం చూసి లాంఛ్ చేయడానికి సిద్ధంగా ఉన్నాం అని ఆయన చెప్పడం జరిగింది. దీనితో మోక్షజ్ఞ ఎంట్రీ త్వరలోనే ఉంటుందని తెలుస్తుంది.
బాలయ్య వారసుడి ఎంట్రీ మూవీ అంటే కథ ఓరేంజ్ లో ఉండాలి. నందమూరి అభిమానుల అంచనాలు అందుకొనేదిగా ఉండాలి. దీని కోసం గట్టి చర్యలే బాలయ్య తీసుకుంటున్నాడని సమాచారం. టాలీవుడ్ స్టార్ రైటర్ గా సాయి మాధవ్ బుర్ర మోక్షజ్ఞ డెబ్యూ మూవీకి స్క్రిప్ట్ సిద్ధం చేస్తున్నారని సమాచారం. డైలాగ్ రైటర్ గా సాయి మాధవ్ చిరంజీవి నటించిన ఖైదీ నంబర్ 150, సైరా నరసింహారెడ్డి వంటి ప్రతిష్టాత్మక ప్రాజెక్ట్స్ కి పనిచేశారు. రాజమౌళి క్రేజీ ప్రాజెక్ట్ ఆర్ ఆర్ ఆర్ మాటల రచయిత కూడా సాయి మాధవ్ కావడం గమనార్హం.
ఇక ఈ మూవీ దర్శకత్వ బాధ్యతలు బాలకృష్ణ ఎవరికి అప్పజెప్పనున్నారనేది చూడాలి. ఈ లిస్ట్ లో బాలయ్యకు సింహ, లెజెండ్ వంటి చిత్రాలు ఇచ్చిన బోయపాటి శ్రీను ముందు వరుసలో ఉన్నారు. యంగ్ డైరెక్టర్ అనిల్ రావిపూడి సైతం మోక్షజ్ఞను లాంచ్ చేయాలని ఉందని చెప్పారు.
Most Recommended Video
మేకప్‌ లేకుండా మన టాలీవుడ్ ముద్దుగుమ్మలు ఎలా ఉంటారో తెలుసా?
జ్యోతిక ‘పొన్‌మగల్‌ వందాల్‌’ రివ్యూ
ఈ డైలాగ్ లు చెప్పగానే గుర్తొచ్చే హీరోయిన్లు!
