జీవిత కథలు తెరకెక్కించడమే కాదు.. నటించడమూ కష్టమే. కాస్త అటు ఇటు అయితే ఇప్పుడు ఉన్న ఈ ట్రోలర్ల పంచాయితీకి నానా కష్టాలు పడాల్సిందే. దేశంలోని అన్ని సినిమా పరిశ్రమల్లో బయోపిక్ల ట్రెండ్ నడుస్తోంది. వివిధ రంగాలలో గుర్తింపు పొందిన వారి బయోపిక్స్ ప్రేక్షకుల ముందుకు తీసుకు వచ్చేందుకు రంగం సిద్ధం చేస్తున్నారు. అలాంటి బయోపిక్స్లో ఎం.ఎస్ సుబ్బలక్ష్మి జీవిత కథ ఒకటి. సంగీతానికి కేరాఫ్ అడ్రస్గా నిలిచిన ఎం.ఎస్ సుబ్బలక్ష్మి జీవిత కథ సినిమాగా తెరకెక్కించనున్నారని గత కొన్ని రోజులుగా వార్తలు వస్తున్నాయి.
ప్రఖ్యాత కర్ణాటక సంగీత విద్వాంసురాలు ఎం.ఎస్.సుబ్బులక్ష్మి జీవిత కథని తెరకెక్కించేందుకు ప్రముఖ టాలీవుడ్ నిర్మాణ సంస్థ గీతా ఆర్ట్స్ గత కొన్ని నెలలుగా ప్రయత్నాలు చేస్తోంది. యువ దర్శకుడు గౌతమ్ తిన్ననూరి ఈ చిత్రాన్ని రూపొందించనున్నారు అని సమాచారం. దీనికి సంబంధించిన స్క్రిప్ట్ పనులు గత కొన్ని నెలలుగా జరుగుతున్నాయి. ఈ పనులు స్టార్ట్ అయినప్పుడే కాస్టింగ్ పనులు మొదలుపెట్టినా ఆ తర్వాత ఆపేశారు. ఇప్పుడు ప్రధానమైన ఎం.ఎస్.సుబ్బులక్ష్మి పాత్రకి సంబంధించి టాక్స్ ఫైనల్ దశకు చేరుకున్నారట.
తొలుత ఈ పాత్ర కోసం కీర్తి సురేశ్ పేరు బలంగా వినిపించింది. ఆమె ‘మహానటి’ సినిమా చేసిన నేపథ్యంలో ఈ సినిమాకు కూడా నప్పుతారు అని అనుకున్నారంతా. ఆ తర్వాత కొన్ని రోజులకు సాయిపల్లవి పేరు వినిపించింది. ఆమె దాదాపు ఫిక్స్ అని భావించారు. కానీ ఇప్పుడు రుక్మిణీ వసంత్ పేరు తెరపైకొచ్చింది. సాయిపల్లవి బిజీగా ఉందనో, లేక మరో కారణమో తెలియదు కానీ రుక్మిణి అయితే బెటర్ అనే టాక్ వస్తోంది. అయితే ఆమె ఎన్టీఆర్తో ప్రశాంత్ నీల్ దర్శకత్వంలో రూపొందుతున్న సినిమాలో నటిస్తోంది.
ఆ సినిమాయేమో అనుకోకుండా ఏడాది వాయిదా పడింది. దీంతో రుక్మిణి ఓకే చెబుతుందా లేదా అనేది ఆసక్తికరంగా మారింది. చూద్దాం ప్రఖ్యాత సంగీతం విద్వాంసురాలిగా నటించే భాగ్యం ఎవరికి కలుగుతుందో?
https://www.youtube.com/watch?v=wnKKqOwIEvw
