టాలీవుడ్ ఇండస్ట్రీలో అద్భుతంగా డైలాగ్స్ చెప్పే నటుల్లో జూనియర్ ఎన్టీఆర్ ఒకరనే సంగతి తెలిసిందే. ప్రస్తుతం ఆర్ఆర్ఆర్ మూవీలో కొమురం భీమ్ పాత్రలో ఎన్టీఆర్ నటిస్తున్నారు. ఇప్పటికే ఆర్ఆర్ఆర్ సినిమాపై భారీగా అంచనాలు పెరగగా ఈ సినిమా గురించి వైరల్ అవుతున్న వార్తలు ప్రేక్షకుల్లో అంచనాలను మరింత పెంచుతుండటం గమనార్హం. తాజాగా సాయిమాధవ్ బుర్రా రాజమౌళి తన పనిని తేలిక చేశారని కామెంట్లు చేశారు. జూనియర్ ఎన్టీఆర్ సినిమాలో చెప్పే దేశభక్తి సంభాషణలు వింటే ప్రేక్షకులకు గూస్ బంప్స్ వస్తాయని వెల్లడించారు.
సినిమా రిలీజైన తర్వాత తారక్ ఎక్కువ సమయం కనిపించారా..? చరణ్ పాత్ర పరిధి ఎక్కువగా ఉందా..? అనే ఆలోచన ప్రేక్షకుల మదిలో మెదలదని రాజమౌళి స్క్రీన్ ప్లే అద్భుతంగా రాశారని సాయిమాధవ్ పేర్కొన్నారు. అక్టోబర్ నెల 13వ తేదీన ఈ సినిమా రిలీజ్ కానుండటం గమనార్హం. సెకండ్ వేవ్ వల్ల షూటింగ్ ఆలస్యమైనా రిలీజ్ డేట్ మారే అవకాశాలు అయితే లేవని తెలుస్తోంది. ఆర్ఆర్ఆర్ మూవీ షూటింగ్ పెండింగ్ పనులను రాజమౌళి వేగంగా పూర్తి చేస్తున్నారు.
మరో రెండు రోజుల్లో ఈ సినిమా నుంచి మేకింగ్ వీడియో రిలీజ్ కానుండగా మేకింగ్ వీడియోతో యూట్యూబ్ లో కొత్త రికార్డులు క్రియేట్ అయినా ఆశ్చర్యపోవాల్సిన అవసరం లేదు. ప్రమోషన్స్ తో వేగం పెంచుతున్న రాజమౌళి త్వరలో ఫోటో ట్రీట్ తో పాటు ఆర్ఆర్ఆర్ వీడియోలను కూడా రిలీజ్ చేయనున్నారని తెలుస్తోంది. బాహుబలి సిరీస్ సినిమాలకు కూడా సాయిమాధవ్ బుర్రా పని చేయాల్సి ఉన్నా కొన్ని కారణాల వల్ల ఆ సినిమాకు సాయిమాధవ్ పని చేయలేదు.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
