సినిమా అనేది గ్లామర్ ప్రపంచం, అభినయం సంగతి ఎలా ఉన్నా అందం, ఆ అందాన్ని ప్రదర్శించడం అనేది చాల అవసరం. సినిమా అవకాశం ఇస్తే చాలు అన్ని హద్దులు చెరిపేసి స్కిన్ షో చేసే హీరోయిన్స్, లిప్ లాక్స్ తో రెచ్చిపోయే భామలు ఎందరో సిద్ధంగా ఉన్నారు. స్టార్ హీరోయిన్స్ గా ఫేమ్ వచ్చిన తరువాత కూడా డైరెక్టర్స్ కి ఎదురు చెప్పకుండా సర్దుకుపోయే హీరోయిన్స్ చాలా మందే ఉన్నారు. ఐతే కొందరు హీరోయిన్స్ ఇందుకు విరుద్ధం, మా నటన నచ్చితే తీసుకోండి..అంతే కానీ పొట్టి బట్టలు, హాట్ పోజులు, లిప్ లాక్ లు అంటే కుదరదు అనే వాళ్లు ఉన్నారు.
అలాంటి అమ్మాయే హీరోయిన్ సాయి పల్లవి. సాయి పల్లవి చేసే ప్రతి పాత్రలో సెల్ఫ్ రెస్పెక్ట్, హుందాతనం కనిపిస్తుంది. బయట ఆమె ప్రవర్తన కూడా అలానే ఉంటుంది. కాసుల కోసం కక్కుర్తి పడడం, కాళ్ళ బేరానికి వెళ్లడం ఆమెకి తెలియదు. నమ్మిన సిద్దాంతం కోసం కోట్ల రూపాయల బ్రాండ్ ఎండోర్స్ మెంట్స్, క్రేజీ ఆఫర్స్ ఆమె వదులుకుంది. విజయ్ దేవరకొండ హీరోగా వచ్చిన డియర్ కామ్రేడ్ కోసం మొదట సాయి పల్లవినే సంప్రదించారట, ఆ మూవీలో కొన్ని లిప్ లాక్ సన్నివేశాలు ఉండడంతో సాయి పల్లవి తిరస్కరించారు. మహేష్ సరసన సరిలేరు నీకెవ్వరు మూవీ ఆఫర్ కూడా సాయి పల్లవిదే అని టాక్.
అలాగే రెమ్యూనరేషన్స్ కోసం నిర్మాతల ముక్కుపట్టుకు వసూలు చేసే తత్త్వం సాయి పల్లవిది కాదు. పడి పడి లేచే మనసు మూవీ పరాజయం కావడంతో నిర్మాత నుండి రావలసిన 40లక్షల పారితోషికం వద్దని చెప్పేశారట. ఓ ఫెయిర్ నెస్ క్రీమ్ యాడ్ కొరకు 2 కోట్లు ఆఫర్ చేసినా, నేను నమ్మని దానిని ప్రచారం చేయను అని సాయి పల్లవి తిరస్కరించిందట. ఇవ్వన్నీ గమనిస్తుంటే సాయి పల్లవి నిజంగా ఒక్కటే ఫీస్, హైబ్రిడ్ పిల్ల అనిపిస్తుంది.
Most Recommended Video
