మలయాళం ‘ప్రేమమ్’ సినిమా ద్వారా సాయి పల్లవి మంచి గుర్తింపు తెచ్చుకుంది. ఇందులో అచ్చమైన మలయాళీగా నటించి ఎన్నో అవార్డులను సొంతం చేసుకుంది. తెలుగులో ఫిదాతో అడుగుపెట్టింది. ఇందులో అచ్చమైన తెలంగాణ అమ్మాయి భానుమతిలా నటించి అందరి మనసులు గెలుచుకుంది. రీసెంట్ గా మిడిల్ క్లాస్ అబ్బాయి లోను నాని కి జోడిగా చలాకీగా నటించి ఆకట్టుకుంది. తమిళంలోను తన మార్కు నటనతో అలరించడానికి సిద్ధమైంది. విజయ్ దర్శకత్వంలో కరు చిత్రం ద్వారా కోలీవుడ్ లో ఎంటర్ కాబోతోంది. ఇది తెలుగులో “కణం” గా రానుంది. ఇందులో నాలుగేళ్ల పాప‌కి త‌ల్లిగా సాయిప‌ల్ల‌వి నటించింది.
ఈ సినిమా ప్రమోషన్లో పాల్గొన్న సాయి పల్లవి అనేక ఆసక్తికర విషయాలు చెప్పింది. తాను మేకప్ వేసుకోకుండా నటించడానికి “ప్రేమమ్” దర్శకుడు ఆల్ఫోన్స్‌ పుతెరిన్‌ కారణమని చెప్పింది. సహజంగా నటించమని అతనే ప్రోత్సహించినట్లు వెల్లడించింది. “ఆల్ఫోన్స్‌ తో పాటు నేను పనిచేసిన దర్శకులందరూ నా ఆత్మవిశ్వాసం పెరగడానికి దోహదపడ్డారు. అమ్మాయిల్లో ఆత్మస్థైర్యం పెంచడానికి కూడా నేను మేకప్ లేకుండా నటిస్తున్నాను” అని వివరించింది. అనేక సార్లు వాయిదా పడిన ఈ కణం మూవీ ఈనెలలో రిలీజ్ కానుంది.
