స్టార్ మ్యూజిక్ డైరెక్టర్ జీవీ ప్రకాష్ (GV Prakash Kumar) , అతని భార్య సైంధవి విడాకులు తీసుకుంటున్నట్టు ఇటీవల ప్రకటించిన సంగతి తెలిసిందే. 11 ఏళ్ళు కలిసి కాపురం చేసిన ఈ జంట విడాకులు తీసుకుంటున్నట్టు చాలా కాలంగా ప్రచారం జరుగుతుంది. అయితే 3 రోజుల క్రితం వీరు వీటిపై స్పందించి క్లారిటీ ఇచ్చారు. ‘మానసిక ప్రశాంతత, ఇద్దరి జీవితాల్లో మెరుగు కోసం ఒకరికొకరం పరస్పర గౌరవంతో ఈ నిర్ణయం తీసుకున్నాం.
ఇలాంటి కీలక తరుణంలో మా ప్రైవసీకి భంగం కలిగించకుండా ఉండేందుకు మీడియా, స్నేహితులు, అభిమానులు మా నిర్ణయాన్ని అర్థం చేసుకోవాలని కోరుకుంటున్నాం’ అంటూ వీరు తమ సోషల్ మీడియాలో పేర్కొన్నారు. అయితే ఊహించని విధంగా కొంతమంది సైంధవి పై విమర్శలు కురిపిస్తున్నారు. కొంతవరకు ఓపిక పట్టిన సైంధవి.. తర్వాత సహనం కోల్పోయి సోషల్ మీడియాలో ఘాటు వ్యాఖ్యలు చేసింది.
‘విడాకులు ప్రకటించాక కూడా నా వ్యక్తిత్వాన్ని కించపరిచేలా విమర్శలు చేయడం సరైన పద్ధతి కాదు. మేము బలవంతంగా విడిపోలేదు. జీవీ ప్రకాష్, నేను ఒకటికి రెండు సార్లు ఆలోచించి ఈ నిర్ణయం తీసుకోవడం జరిగింది. మా నిర్ణయాన్ని గౌరవించి మా ప్రైవసీకి భంగం కలిగించొద్దు అని కోరడం కూడా జరిగింది. అయినా కొంతమంది పనిగట్టుకుని నా పై విమర్శలు గుప్పిస్తున్నారు.
అనవసరమైన ఆరోపణల నాపై చేయడం కూడా సరైన పద్ధతి కాదు.నేను,జీవీ భవిష్యత్తులో కూడా స్నేహితులుగా కలిసుండాలి అనుకుంటున్నాం. మేము చిన్ననాటి స్నేహితులం అనే విషయం మాకు గుర్తుంది” అంటూ సైంధవి చెప్పుకొచ్చింది.
