టాలీవుడ్ క్యూట్ బ్యూటీ సమంత రెండు రోజుల క్రితం అక్కినేని నాగ చైతన్యతో ఉంగరాలు మార్చుకొని అధికారికంగా కింగ్ నాగార్జున కోడలిగా మారిపోయింది. అక్కినేని కోడలిగా అడుగుపెట్టిన తర్వాత సినిమాలకు ఫుల్ స్టాప్ పెట్టేస్తుంది అనే వార్తలను ఖండిస్తూ మెగా పవర్ స్టార్ రామ్ చరణ్, సుకుమార్ సినిమాలో హీరోయిన్ గా నటిస్తున్నట్లు ప్రకటించింది. ఇప్పుడు మరో మూవీలోను నటిస్తున్నట్లు వార్త అందింది.
ఓంకార్‌ దర్శకత్వంలో నాగార్జున ప్రధాన పాత్ర పోషిస్తోన్న ‘రాజుగారిగది-2’లో సమంత ఓ ముఖ్యపాత్రలో కనిపించబోతున్నట్లు తెలిసింది. వీరిద్దరూ కలిసి ‘మనం’ సినిమాలో తల్లి కొడుకుగా నటించారు. మళ్లీ ‘రాజుగారిగది’కి సీక్వెల్‌గా రూపొందుతున్న ‘రాజుగారిగది-2’లో నటిస్తున్నారు. పీవీపీ, మ్యాట్నీ ఎంట‌ర్‌టైన్‌మెంట్‌ సంస్థలు సంయుక్తంగా నిర్మిస్తున్న ఈ సినిమా వేసవిలో రిలీజ్ కానుంది. చైతూ తో స్యామ్ కి నిశ్చితార్ధం జరిగిన తర్వాత నటిస్తున్న మూవీ కావడంతో దీనిపై క్రేజ్ బాగా పెరిగింది.
Also, do SUBSCRIBE to our YouTube channel to get latest Tollywood updates.
