తమిళ, తెలుగు భాషల్లో దర్శకుడిగా సినిమాలు చేసిన సముద్రఖని ఆ తరువాత నటుడిగా మారి ఫుల్ బిజీ అయిపోయారు. గతేడాది అల్లు అర్జున్ నటించిన ‘అల వైకుంఠపురములో’ సినిమాలో విలన్ గా కనిపించి మెప్పించారు ఈ కోలీవుడ్ నటుడు. ఆ తరువాత నుండి సముద్రఖనికి ఇండస్ట్రీలో అవకాశాలు వెతుక్కుంటూ వస్తున్నాయి. ఈ ఏడాది విడుదలైన ‘క్రాక్’ సినిమాలో కూడా విలన్ ఇతడే. ఈ సినిమాతో అతడి ఇమేజ్ మరింత పెరిగింది.
దీంతో టాలీవుడ్ లో చాలా మంది దర్శకనిర్మాతలు తమ సినిమాల్లో సముద్రఖనిని విలన్ గా తీసుకుంటున్నారు. ఇప్పటికే పవన్ కళ్యా నోటిస్తోన్న ‘అయ్యప్పనుమ్ కోశియుమ్’ రీమేక్ లో కీలకపాత్ర పోషిస్తున్నారు. అలానే మహేష్ బాబు నటిస్తోన్న ‘సర్కారు వారి పాట’ సినిమాలో కూడా సముద్రఖనినే విలన్ గా తీసుకున్నారు. ఇప్పుడు మరో క్రేజీ ఛాన్స్ కొట్టేసినట్లు సమాచారం. మెగాస్టార్ చిరంజీవి నటించనున్న ‘లూసిఫర్’ తెలుగు రీమేక్ లో సముద్రఖనికి మంచి ఆఫర్ ఇచ్చినట్లు తెలుస్తోంది.
స్క్రిప్ట్ లో చాలా మార్పులు చేసిన తరువాత తెలుగులో తెరకెక్కిస్తున్నారు. దీంతో సముద్రఖనికి ఆఫర్ చేస్తున్న పాత్ర ఏంటో తెలియాల్సివుంది. ప్రస్తుతం మెగాస్టార్ ‘ఆచార్య’ సినిమాను పూర్తి చేసే పనిలో ఉన్నారు. ఆ తరువాత ‘లూసిఫర్’ రీమేక్ ను మొదలుపెట్టనున్నారు. ఈ సినిమాకి మోహన్ రాజా దర్శకుడిగా పని చేయనున్నారు.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
