“అర్జున్ రెడ్డి” అనే సినిమా హిట్ అవ్వడానికి విజయ్ దేవరకొండ నటన, షాలిని పాండే క్యూట్ నెస్, సంగీతం, ఛాయాగ్రహణం, దర్శకుడి ప్రతిభ కంటే ఎక్కువగా.. ఆ దర్శకుడి యాటిట్యూడ్ వల్ల సినిమాకి ప్రాణం వచ్చిందని చెప్పడంలో ఎలాంటి సందేహం లేదు. “అర్జున్ రెడ్డి” విడుదలకు ముందు ఒకరోజు మీడియాకి ఇంటర్వ్యూస్ ఇచ్చిన దర్శకుడు సందీప్ రెడ్డి వంగా “ఈ సినిమా హిట్ అవ్వడం పక్కా.. కానీ ఎంత పెద్ద హిట్ అవుతుంది అనేది చూడాలి” అని కాన్ఫిడెంట్ గా మాట్లాడినప్పుడు తెలుగు మీడియా షాక్ అయ్యింది.
ఇప్పుడు అదే తరహాలో బాలీవుడ్ మీడియాకి కూడా తన యాటిట్యూడ్ తో షాక్ ఇచ్చాడు సందీప్ రెడ్డి. సాధారణంగా మన తెలుగోళ్ళంటే బాలీవుడ్ మీడియాకి బాగా చులకన. అందుకే ఏవేవో ప్రశ్నలు అడిగి చాలా ఇబ్బందిపెడుతుంటారు. అదే విధంగా సందీప్ రెడ్డిని కూడా ఏదో క్వశ్చన్ అడిగి ఆడుకుందాం అనుకున్న బాలీవుడ్ రిపోర్టర్ కి స్ట్రాంగ్ రిప్లై ఇచ్చాడు సందీప్. ఏదో అడగాలి కాబట్టి ఒక ప్రశ్న అడిగి.. దిక్కులు చూస్తున్న ఒక రిపోర్టర్ ను పట్టుకొని సందీప్ “నువ్ క్వశ్చన్ అడిగావ్ వినడం లేదు, ఇంకెందుకు అడగడం?” అని గట్టిగా అడగడంతో ఆ రిపోర్టర్ డంగైపోగా.. యూనిట్ మెంబర్స్ అందరూ హర్షం వ్యక్తం చేశారు.
