తన సినిమాలతో యావత్ దేశాన్ని ఓ ఊపు ఊపేసిన దర్శకుడు సందీప్ రెడ్డి వంగా (Sandeep Reddy Vanga) . ‘అర్జున్ రెడ్డి’ (Arjun Reddy) ‘యానిమల్’ (Animal) ‘కబీర్ సింగ్’ సినిమాలు బాక్సాఫీస్ వద్ద ఏ రేంజ్ ఫలితాలు అందుకున్నాయో అందరికీ తెలుసు. ఇప్పుడు అతను తీసుకున్న ఒక నిర్ణయం బాలీవుడ్‌కు ఒక స్ట్రాంగ్ మెసేజ్ ఇచ్చినట్టు అయ్యింది. సినీ పరిశ్రమలో, సోషల్ మీడియాలో ఇప్పుడు ఇది హాట్ టాపిక్‌గా మారింది. ఇంతకీ ఏం జరిగిందంటే…! సౌత్ తో పోలిస్తే బాలీవుడ్ వ్యవహారం చాలా డిఫరెంట్ గా ఉంటుంది.
అక్కడ అంతా కార్పొరేట్ స్టైల్. ప్రతీదీ పక్కా ప్లానింగ్‌తో, పలువురి కంట్రోల్‌లో నడుస్తుంది. పెద్ద పెద్ద సినిమాలు చాలా వరకు ఇలాంటి కొలాబరేషన్స్‌తోనే పట్టాలెక్కుతాయి. ఈ ప్రాజెక్టుల్లో పి.ఆర్ (PR -పబ్లిక్ రిలేషన్స్) ఏజెన్సీలదే హవా. సినిమా ఓకే అయినప్పటి నుంచి రిలీజ్ అయ్యేదాకా వాళ్ల ఇన్వాల్వ్‌మెంట్ ఎక్కువగా ఉంటుంది. యాక్టర్లు, డైరెక్టర్లు, సినిమాల ఇమేజ్‌ను కాపాడటంలో, పెంచడంలో ఈ ఏజెన్సీలు చక్రం తిప్పుతుంటాయి.
ఇలాంటి పరిస్థితుల్లో ఇటీవల దర్శకుడు సందీప్ రెడ్డికి, దీపికా పదుకొణెకి (Deepika Padukone) మధ్య ఓ ఇష్యూ నడిచిందని టాక్. ఇది ఆన్‌లైన్‌లో, సినిమా వర్గాల్లో పెద్ద దుమారమే రేపింది అని చెప్పాలి. ఈ నేపథ్యంలో సందీప్ తన అప్‌-కమింగ్ పాన్ ఇండియా మూవీ ‘స్పిరిట్’ (Spirit) నుండి దీపికను ఒక్క రోజులోనే తప్పించి, ఆమె స్థానంలో ‘యానిమల్’ ఫేమ్ త్రిప్తి దిమ్రిని (Tripti Dimri) తీసుకున్నాడు.ఈ స్పీడ్ రీప్లేస్‌మెంట్ చూసి బాలీవుడ్ జనాలు షాకయ్యారు.
ఈ మార్పు జరిగిన వెంటనే, కొన్ని పి.ఆర్.ఏజెన్సీలు ఈ సినిమా గురించి నెగిటివ్ ప్రచారం చేయడం మొదలు పెట్టాయి. దీనికి సందీప్ రెడ్డి తనదైన స్టైల్‌లో సమాధానం ఇచ్చారు. ‘సినిమా కంటే నాకు ఎవ్వరూ గొప్ప కాదు. నాకు కంఫర్టబుల్‌గా లేనివాళ్లతో, వాళ్లు ఎంత పెద్ద స్టార్ అయినా సరే, నేను పని చేయను’ అంటూ సందీప్ కౌంటర్ ఇవ్వడం జరిగింది. మధ్యలో ‘డర్టీ పీఆర్ గేమ్స్’ అనే హ్యాష్ ట్యాగ్ ను కూడా వాడి ‘తగ్గేదే లే’ అని సందీప్ చెప్పినట్టు అయ్యింది.
When I narrate a story to an actor, I place 100% faith. There is an unsaid NDA(Non Disclosure Agreement) between us. But by doing this, You’ve ‘DISCLOSED’ the person that you are….
Putting down a Younger actor and ousting my story? Is this what your feminism stands for ? As a…— Sandeep Reddy Vanga (@imvangasandeep) May 26, 2025
