బాలీవుడ్ ఇండస్ట్రీలోని ప్రముఖ హీరోయిన్లలో సారా అలీ ఖాన్ (Sara Ali Khan) ఒకరు కాగా ఈ హీరోయిన్ కు భారీ స్థాయిలో ఫ్యాన్ ఫాలోయింగ్ ఉందనే సంగతి తెలిసిందే. సాధారణంగా ఎవరి పెళ్లి అయినా వారం రోజుల ముందు నుంచి సందడి మొదలవుతుందనే సంగతి తెలిసిందే. అంబానీ ఇంట పెళ్లికి మాత్రం నెలల ముందు నుంచే సందడి మొదలుకావడం గమనార్హం. గుజరాత్ రాష్ట్రంలోని జామ్ నగర్ లో ప్రీ వెడ్డింగ్ కార్యక్రమాలు జరిగాయి.
ప్రముఖ సెలబ్రిటీలు ఈ కార్యక్రమానికి హాజరు కాగా ఈ వేడుకలకు హాజరైన హీరోయిన్లలో సారా అలీ ఖాన్ కూడా ఉన్నారు. అంబానీ ఇంట ప్రీ వెడ్డింగ్ సెలబ్రేషన్స్ గురించి సారా అలీ ఖాన్ ఆసక్తికర విషయాలను వెల్లడించారు. ఆ వేడుకలలో ఏకంగా బంగారమే వడ్డించారా అని అనిపించిందని ఆమె పేర్కొన్నారు. అక్కడ అందరూ చపాతీతో పాటు బంగారం తిన్నట్టు ఫీలయ్యారని ఆమె పేర్కొన్నారు.
అక్కడ ఎక్కడ చూసినా అంతా వజ్రాల మయం అనే విధంగా ఉందని సారా అలీ ఖాన్ చెప్పుకొచ్చారు. అంత అద్భుతంగా ఆ వేడుకను నిర్వహించారని ఈ వేడుకలో ఎంతో బాగా వెల్ కమ్ చెప్పారని సారా అలీ ఖాన్ తెలిపారు. అనంత్ అంబానీతో కలిసి నేను స్కూల్ కు వెళ్లానని రాధికా మర్చంట్ కూడా తెలుసని సారా అలీ ఖాన్ చెప్పుకొచ్చారు. అంబానీ కుటుంబ సభ్యులు మంచి మనస్సుతో సాదరంగా వెల్ కమ్ చెప్పారని సారా అన్నారు.
నిజంగా వీళ్లు బంగారం లాంటి వాళ్లని నీతూ అంబానీ మేడమ్ స్టేజ్ పై డ్యాన్స్ వేయడం మాత్రం మరిచిపోలేని జ్ఞాపకం అని సారా అలీ ఖాన్ చెప్పుకొచ్చారు. సారా అలీ ఖాన్ చెప్పిన విషయాలు నెటిజన్లను ఎంతగానో ఆకట్టుకుంటున్నాయి. త్వరలో ఈ నటి నటించిన మెట్రో ఇన్ డినో మూవీ రిలీజ్ కానుంది. ఈ సినిమాపై అంచనాలు అంతకంతకూ పెరుగుతుండటం గమనార్హం.
