తండ్రీ కూతుళ్లు కలసి ఓ సినిమాలో నటించడం అంటే కొత్త విషయమేమీ కాదు. గతంలో మన సినిమాల్లో ఇలా నటించారు కూడా. అయితే ఇద్దరి పాత్రల మధ్య ఏజ్‌ గ్యాప్‌ చాలా ఎక్కువగా ఉన్నట్లు చూపించారు మన దర్శకులు. అయితే ఇప్పుడు ఇంకా స్టార్‌ హీరోగా ఓ హీరో వెలుగొందుతున్న సమయంలోనే కూతురుతో కలసి నటించబోతున్నారు. ఆయనే షారుఖ్‌ ఖాన్‌. అవును సుహానా ఖాన్‌తో కలసి షారుఖ్‌ ఓ సినిమా చేయబోతున్నారట.
బాలీవుడ్‌ ఆకలిని, తన ఫ్యాన్స్ ఆకలిని తీరుస్తూ ఇటీవల ‘పఠాన్‌’ సినిమా ఇచ్చాడు షారుఖ్‌ ఖాన్‌. వింటేజ్‌ షారుఖ్‌ ఖాన్‌ను చూపిస్తూ కోట్లు గడించారు బాక్సాఫీసు దగ్గర. ఇప్పుడు షారుఖ్‌ చేతిలో రెండు సినిమాలు ఉన్నాయి. ఒకటి అట్లీతో చేస్తున్న ‘జవాన్‌’ కాగా, రెండోది రాజ్‌ కుమార్‌ హిరానీతో చేస్తున్న ‘డంకీ’. ఇప్పుడు వీటికి సుహానా సినిమా కూడా యాడ్‌ అయ్యిందట. దర్శకుడు సిద్ధార్థ్‌ ఆనంద్‌, షారుఖ్‌ ఖాన్‌ కలయికలో ఓ సినిమా రానుంది. ఆ సినిమాలో సుహానా నటిస్తోంది అంటున్నారు.
షారుఖ్‌ (Shah Rukh Khan) సొంత నిర్మాణ సంస్థ రెడ్‌ చిల్లీస్‌ ఎంటర్‌టైన్‌మెంట్‌, మార్ఫ్లిక్స్‌ పిక్చర్స్‌ తెరకెక్కిస్తున్న ఈ సినిమాలో సుహానా కోసం ఓ పాత్ర ఉందట. ఇప్పటికే ఈ సినిమా ప్రీ ప్రొడక్షన్‌ పనులు ప్రారంభమయ్యాయట. త్వరలో సెట్స్‌ పైకి సినిమాను తీసుకెళ్తారట. దీంతో షారుఖ్‌ – సుహానా ఎలాంటి పాత్రల్లో కనిపిస్తారో అనే కుతూహలం అభిమానుల్లో కనిపిస్తోంది. ఇక సుహానా ఖాన్‌ ఓ ప్రధాన పాత్రలో నటించిన తొలి చిత్రం ‘ది ఆర్చీస్‌’ త్వరలో ఓటీటీలో విడుదల అవుతోంది.
ఇక ‘ఆర్చీస్‌’ సంగతికొస్తే.. జోయా అక్తర్‌ దర్శకత్వంలో రూపొందిన ఈ సినిమాలో అమితాబ్‌ బచ్చన్‌ మనవడు అగస్త్య నంద, దివంగత శ్రీదేవి చిన్న కూతురు ఖుషీ కపూర్‌ తదితరులు ఇతర ప్రధాన పాత్రల్లో నటిస్తున్నారు. 1960ల్లో వచ్చిన ‘ఆర్చీస్‌ కామిక్స్‌’ ఆధారంగా ఈ సినిమా తెరకెక్కించారు. నవంబరు నెలలో నెట్‌ఫ్లిక్స్‌లో ఈ సినిమా స్ట్రీమ్‌ అవుతుంది.
అశ్విన్స్ సినిమా రివ్యూ & రేటింగ్!
ఆ హీరోయిన్లలా ఫిట్ నెస్ కంటిన్యూ చేయాలంటే కష్టమే?
తన 16 ఏళ్ళ కెరీర్లో కాజల్ రిజెక్ట్ చేసిన సినిమాల లిస్ట్..!
