బాలీవుడ్ బాద్ షా షారూఖ్ ఖాన్ (Shah Rukh Khan) గురించి ప్రేక్షకులకు ప్రత్యేకంగా పరిచయం చేయాల్సిన అవసరం లేదు. షారూఖ్ ఖాన్ తన సినీ కెరీర్ లో ఎన్నో బ్లాక్ బస్టర్ హిట్లను ఖాతాలో వేసుకున్నారు. యంగ్ గా, ఫిట్ గా కనిపించే ఈ హీరో తన ఫిట్ నెస్ సీక్రెట్స్ ను వెల్లడించగా ఆ విషయాలు సోషల్ మీడియా వేదికగా తెగ వైరల్ అవుతున్నాయి. షారుఖ్ ఖాన్ వయస్సు ప్రస్తుతం 58 సంవత్సరాలు కావడం గమనార్హం.
ఉదయం ఐదింటికి నేను మంచంపై వాలిపోతానని ఆయన అన్నారు. ఉదయం 9 లేదా 10 గంటలకు నేను నిద్ర లేస్తానని షారూఖ్ ఖాన్ పేర్కొన్నారు. ఆ తర్వాత త్వరగా రెడీ అయ్యి షూటింగ్స్ కు వెళ్తానని ఆయన చెప్పుకొచ్చారు. మళ్లీ అర్ధరాత్రి 2 గంటలకు ఇంటికి చేరుకుంటానని షారూఖ్ ఖాన్ పేర్కొన్నారు. ఆ సమయంలో స్నానం చేసి అరగంట సేపు వర్కౌట్స్ చేస్తానని ఆయన కామెంట్లు చేశారు.
రోజులో తాను ఒక్కపూట మాత్రమే భోజనం చేస్తానని షారుఖ్ ఖాన్ వెల్లడించారు. కరోనా ఫస్ట్ వేవ్, సెకండ్ వేవ్ సమయంలో లైఫ్ స్తంభించిపోయిందని ఆయన తెలిపారు. ఆ సమయంలో ఏం చేయాలో తోచక ఇటాలియన్ వంటకాలను నేర్చుకున్నానని షారూఖ్ ఖాన్ పేర్కొన్నారు. కరోనా సమయంలో శరీరాన్ని నాకు నచ్చిన విధంగా మలచుకున్నానని ఆయన తెలిపారు.
నాలుగు సంవత్సరాల పాటు నేను స్క్రీన్ పై కనిపించకపోవడంతో జనాలు నన్ను మిస్ అయ్యారని షారూఖ్ ఖాన్ వెల్లడించారు. ఆ సమయంలో ప్రేక్షకులు నాకోసం ఆతృతగా ఎదురుచూశానని ఆయన తెలిపారు. షారూఖ్ ఖాన్ ప్రస్తుతం కింగ్ అనే సినిమాలో నటిస్తుండగా ఈ సినిమాపై అంచనాలు పెరుగుతున్నాయి. ఈ సినిమాతో షారూఖ్ ఖాన్ ఎలాంటి ఫలితాన్ని అందుకుంటారో చూడాలి.
