యంగ్ టైగర్ జూనియర్ ఎన్టీఆర్ (Jr NTR) , కొరటాల శివ (Koratala Siva) కాంబినేషన్ లో తెరకెక్కుతున్న దేవర (Devara) సినిమాపై భారీ స్థాయిలో అంచనాలు నెలకొన్న సంగతి తెలిసిందే. సెప్టెంబర్ 27వ తేదీన రిలీజ్ కానుండటం ఈ సినిమాకు ప్లస్ కానుంది. దసరా పండుగ అక్టోబర్ రెండో వారంలో ఉండటంతో దాదాపుగా మూడు వారాల పాటు సెలవులను ఈ సినిమా పూర్తిస్థాయిలో క్యాష్ చేసుకునే అవకాశాలు అయితే ఉంటాయని చెప్పవచ్చు. దేవర సినిమా షూటింగ్ ఈ నెలాఖరు నాటికి పూర్తి కావాల్సి ఉన్నా వేర్వేరు కారణాల వల్ల ఆగష్టు రెండో వారం సమయానికి పూర్తి కానుందని సమాచారం అందుతోంది.
పోస్ట్ ప్రొడక్షన్ పనులు సైతం వేగంగా జరిగేలా మేకర్స్ ప్లాన్ ఉందని తెలుస్తోంది. జాన్వీ కపూర్ (Janhvi Kapoor) , సైఫ్ అలీ ఖాన్ (Saif Ali Khan) , కొరటాల శివ ఎన్నో ఆశలు పెట్టుకున్న ఈ సినిమా బాక్సాఫీస్ ను షేక్ చేస్తుందో లేదో చూడాల్సి ఉంది. దేవర సినిమాకు గుమ్మడికాయ కొట్టే రోజు కోసం ఫ్యాన్స్ సైతం ఆసక్తిగా ఎదురుచూస్తున్నారు. దేవర సెకండ్ సింగిల్ కు సంబంధించి మేకర్స్ నుంచి ఎలాంటి అప్ డేట్ రాలేదు.
వారం రోజుల తర్వాత ఈ సినిమాకు సంబంధించి కొత్త అప్ డేట్స్ వచ్చే అవకాశాలు అయితే ఉంటాయి. దేవర సినిమా బిజినెస్ పరంగా అదరగొట్టిందని సమాచారం అందుతోంది. నెట్ ఫ్లిక్స్ ఈ సినిమా డిజిటల్ రైట్స్ ను సొంతం చేసుకుంది. దేవర సినిమా శాటిలైట్ హక్కులను ప్రముఖ ఎంటర్టైన్మెంట్ ఛానెల్స్ లో ఒకటైన స్టార్ మా కొనుగోలు చేసినట్టు తెలుస్తోంది.
దేవర సినిమా సెకండ్ పార్ట్ షూట్ కు సంబంధించి త్వరలో క్లారిటీ వచ్చే అవకాశాలు ఉన్నాయి. జూనియర్ ఎన్టీఆర్ ఈ సినిమాకు లాభాల్లో వాటా తీసుకోనున్నారని సమాచారం అందుతోంది. త్వరలో దేవర మూవీ ప్రమోషన్స్ అధికారికంగా మొదలుకానున్నాయి.
