పాన్ ఇండియా స్టార్ ప్రభాస్ అభిమానులు ఎంతగానో ఎదురుచూస్తున్న భారీ యాక్షన్ చిత్రం ‘స్పిరిట్’ ఇప్పుడు మరోసారి సోషల్ మీడియాలో హాట్ టాపిక్గా మారింది. దర్శకుడు సందీప్ రెడ్డి వంగా తెరకెక్కిస్తున్న ఈ ప్రాజెక్ట్పై ఇప్పటికే భారీ అంచనాలు ఉండగా, తాజాగా సెట్స్ నుంచి లీక్ అయ్యిందని ప్రచారం జరుగుతున్న ఒక ఫోటో అభిమానుల్లో కొత్త ఉత్సాహాన్ని నింపుతోంది.
సోషల్ మీడియాలో వైరల్ అవుతున్న ఆ ఫోటోలో ప్రభాస్ పూర్తి మాస్ మరియు స్టైలిష్ అవతార్లో కనిపిస్తున్నారని అభిమానులు కామెంట్లు చేస్తున్నారు. తెల్లటి పంచెకట్టులో, పొడవాటి హెయిర్ స్టైల్తో, చేతిలో గన్ పట్టుకుని, స్టైలిష్ గాగుల్స్తో కనిపిస్తున్న లుక్ ఇప్పుడు నెటిజన్స్ను ఆకట్టుకుంటోంది. ముఖ్యంగా ప్రభాస్ స్క్రీన్ ప్రెజెన్స్ మరోసారి గూస్బంప్స్ తెప్పించేలా ఉందని ఫ్యాన్స్ పోస్టులు పెడుతున్నారు.
ఇప్పటికే ‘యానిమల్’ విజయంతో దేశవ్యాప్తంగా సంచలనం సృష్టించిన సందీప్ రెడ్డి వంగా, ఇప్పుడు ‘స్పిరిట్’ ను మరింత భారీ స్థాయిలో తెరకెక్కిస్తున్నట్లు సమాచారం. ఈ చిత్రంలో ప్రభాస్ పవర్ఫుల్ పోలీస్ ఆఫీసర్ పాత్రలో కనిపించబోతున్నాడనే టాక్ కూడా అభిమానుల్లో ఆసక్తిని పెంచుతోంది. ఇక హీరోయిన్గా ముద్దుగుమ్మ త్రిప్తి డిమ్రి నటిస్తోంది. భారీ యాక్షన్, ఎమోషన్స్, ఇంటెన్స్ డ్రామాతో ఈ సినిమాను రూపొందిస్తున్నారట. ప్రస్తుతం షూటింగ్ శరవేగంగా కొనసాగుతుండగా, వరుస షెడ్యూల్స్తో షూటింగ్ త్వరగా పూర్తి చేయాలని చిత్రబృందం ప్లాన్ చేస్తున్నట్లు ఇండస్ట్రీ వర్గాల్లో చర్చ నడుస్తోంది.
ప్రస్తుతం బయటకు వస్తున్న ప్రతి అప్డేట్ సినిమాపై హైప్ను మరింత పెంచుతోంది. ప్రపంచవ్యాప్తంగా గ్రాండ్ రిలీజ్కు సిద్ధమవుతున్న ఈ సినిమా, బాక్సాఫీస్ వద్ద కొత్త రికార్డులు సృష్టిస్తుందా అనే ఆసక్తి అభిమానుల్లో స్పష్టంగా కనిపిస్తోంది.
